जेष्ठ ६ गते, २०८३ मा प्रकाशित
काठमाडौं, ६ । आईपीएल २०२६ को लिग चरणमा अब केवल ६ खेल मात्र बाँकी रहेका छन्। मंगलबार राजस्थान रोयल्सले लखनऊ सुपर जायन्ट्सलाई हराउँदै अंक तालिकाको शीर्ष ४ मा स्थान बनाएको छ भने टोलीले १३ खेलबाट १४ अंक हासिल गरेको छ।
राजस्थानको अन्तिम लिग खेल मे २४ मा मुम्बई इन्डियन्स विरुद्ध खेल्दैछ, जुन त्यो खेलमा हुने जितले टोलीलाई प्लेअफमा स्थान सुरक्षित गर्न सक्छ।
अर्कोतर्फ, लखनउले सिजनको नवौं हार बेहोरेको छ र यो टोली पहिले नै प्लेअफ दौडबाट बाहिरिसकेको छ। लखनउ १३ खेलबाट ८ अंकसहित अन्तिम स्थानमा रहेको छ।
लखनउ माथिको जितसँगै राजस्थान रोयल्सले पञ्जाब किंग्सलाई उछिन्न सफल भएको छ, जीतसँगै १४ अंक हासिल गरेको छ। राजस्थानले आफ्नो अन्तिम खेल मुम्बई इन्डियन्ससँग खेल्नेछ। सो जितले मात्र सो टिमलाई १६ अंकमा पुर्याउनेछ र प्लेअफमा स्थान सुरक्षित गर्नेछ।
सँगसँगै पञ्जाब किंग्स अब १३ अंकसहित पाँचौं स्थानमा झरेको छ, सो टोलीले लगातार ६ खेल हारेको छ। प्लेअफमा पुग्न पञ्जाबले लखनउ विरुद्धको अन्तिम खेल जसरी पनि जित्नुपर्छ वा मुम्बई र राजस्थानबीचको खेल राजस्थानले हारोस् भनेर पनि प्रार्थना पनि गर्नु पर्नेछ।
उता, रोयल च्यालेन्जर्स बैंगलोर १८ अंक र ं१.०६५ को नेट रन रेटका साथ पहिलो स्थानमा यथावत छ। टोली पहिले नै प्लेअफको लागि छनोट भइसकेको छ र क्वालिफायर १ मा खेल्ने लगभग निश्चित छ। आरसीबीको अन्तिम लिग खेल सनराइजर्स हैदराबाद विरुद्ध छ।
सोमबार, सनराइजर्स हैदराबादले चेन्नई सुपर किंग्सलाई पराजित गर्दै आफ्नो र गुजरात टाइटन्सको प्लेअफ स्थान सुरक्षित गरेको छ। दुबै टोलीको १६–१६ अंक छ र तिनीहरू दोस्रो र तेस्रो स्थानमा रहेका छन्।
गुजरातको अन्तिम लिग खेल चेन्नई सुपर किंग्स विरुद्ध हुनेछ, जबकि हैदराबादले रोयल च्यालेन्जर्स बैंगलोरको सामना गर्नेछ। दुबै टोलीले अब शीर्ष २ स्थान सुरक्षित गर्ने र क्वालिफायर १ मा अगाडि बढ्ने लक्ष्य राख्नेछन् ।
चेन्नई सुपर किंग्स १२ अंकसहित छैटौं स्थानमा छ। उनीहरूको अन्तिम खेल गुजरात विरुद्ध रहेको छ। प्लेअफको आशा जीवित राख्न चेन्नई सुपर किंग्सले यो खेल ठूलो अन्तरले जित्नु पर्नेछ।
दिल्ली क्यापिटल्स १२ अंकसहित सातौं स्थानमा छ। उनीहरूको नेट रन रेट –०.८७१० निकै कमजोर छ। दिल्लीले कोलकाता विरुद्धको जित र अन्य टोलीहरूको नतिजाको लागि कुर्नु पर्नेछ।
मुम्बई इन्डियन्स र लखनऊ सुपर जायन्ट्स प्लेअफ दौडबाट बाहिरिएका छन्। मुम्बईको ८ अंक छ भने लखनऊ पनि ८ अंकसहित अन्तिम स्थानमा रहेको छ।
अन्य समाचारहरु
