गोरखाको घ्याल्चोक गाउँ विकास समितिको पहरेडाँडामा तीन वटा गुफा फेला परेका छन् ।
अब आवश्यक छ ति गुफाको संरक्षण र संवद्र्धनको गोरखाको घ्याल्चोक गाउं विकास समिति वडा नम्वर ९ स्थित पहरे डांडामा केही साता अगाडी मात्र तीन वटा अत्यन्तै आकर्षक गुफाहरु फेला परेका छन् ।
सोही स्थानका केही स्थानीय युवाहरुले पहरे डांडामै रहेको चमेरो गुफा अवलोकन गर्ने क्रममा संगै तीन वटा अन्य गुफाहरु फेला पारेका हुन् ।
गुफा भित्र विभिन्न प्रकारका देवी देवताको मुर्ति , जनावरहरुको आकृर्ति , दुधको झर्ना जस्ता अत्यन्त सुन्दर मुर्तिहरु देख्न सकिन्छ ।
केही दिन अगाडी स्थानीय रिर्भर साइड युथ क्लवका युवाहरुले उक्त गुफाको अवलोकन समेत गरेका छन् । गाउंमा एकाएक गुफा फेला परेको हल्ला बढ्दै गएपछि अहिले स्थानीयवासीको भीड बढेको छ भने गुफाको संरचना बिर्गने डर पनि बढ्दै गएको छ ।
गुफामा थेगि नसक्नु भीड बढेपछि अहिले रिर्भर साइड युथ क्लवका युवाहरुले तारबार लगाई गुफा प्रवेशमा रोक लगाएका छन् ।
फाल्गुन २९ गते, २०६८ मा प्रकाशित
