जेष्ठ २९ गते, २०८३ मा प्रकाशित
सोलुखुम्बु । जबरजस्ती करणी मुद्दामा वारदातपछि फरार रहेका एक प्रतिवादीलाई प्रहरीले पक्राउ गरेको छ ।
जिल्ला प्रहरी कार्यालय सोलुखुम्बुका अनुसार नेचासल्यान गाउँपालिका–२ सल्यान चौतारा टोल निवासी २६ वर्षीय दिनेश नेवार (प्रधान) पक्राउ परेका हुन् ।
उनीविरुद्ध परिवर्तित नाम सोलुखुम्बु–२२ए (०८२/०८३) ले दिएको जाहेरीका आधारमा मुद्दा दर्ता भएको थियो। जाहेरीअनुसार २०८२ चैत १८ गते राति करिब ९ बजे मदिरा सेवन गरेका नेवार पीडिताको कोठामा प्रवेश गरी डर, त्रास देखाएर जबरजस्ती करणी गरी फरार भएका थिए ।
घटनापछि फरार रहेका नेवारलाई खोजतलासका क्रममा जेठ २७ गते राति करिब ८ बजे प्रहरी गस्ती टोलीले सोलुदुधकुण्ड नगरपालिका–५ स्थित सल्लेरी बजारबाट पक्राउ गरेको प्रहरीले जनाएको छ ।
पक्राउ परेका नेवारविरुद्ध सोलुखुम्बु जिल्ला अदालतबाट म्याद थप गरी थप अनुसन्धान भइरहेको जिल्ला प्रहरी कार्यालय सोलुखुम्बुले जनाएको छ।
अन्य समाचारहरु
