प्रि-मनसुन अवधिमा ४५ वर्षयताकै धेरै वर्षा

काठमाडौं । यस वर्षको प्रि-मनसुन अवधिमा पछिल्ला ४५ वर्षयताकै सबैभन्दा धेरै वर्षा भएको छ । जल तथा मौसम विज्ञान विभागका अनुसार औसतभन्दा निकै बढी वर्षा भएपछि सन् १९९० को पुरानो रेकर्डसमेत तोडिएको हो ।

विभागका अनुसार नेपालमा प्रि-मनसुन सिजनमा औसत २२६.३ मिलिमिटर वर्षा हुने गर्छ । तर यस वर्ष औसतको १४५.५ प्रतिशत बढी अर्थात् ३३९.७ मिलिमिटर वर्षा मापन गरिएको छ ।

विभागले सन् १९८१ देखि देशभरका १२६ वटा वर्षा मापन केन्द्रको तथ्याङ्कका आधारमा प्रि-मनसुन अवधिको विश्लेषण गर्दै आएको छ ।

यसअघि प्रि-मनसुन अवधिमा सबैभन्दा धेरै वर्षा सन् १९९० मा भएको रेकर्ड थियो । १९९० मा ३३१.४० मिलिमिटर बर्षा भएको थियो । त्यस्तै सन् २००० मा ३२३.१९ मिलिमिटर, २०२१ मा ३१७.८८ मिलिमिटर बर्षा भएको थियो ।

तर यस वर्ष भएको अत्यधिक वर्षाले उक्त रेकर्डलाई समेत उछिनेको विभागले जनाएको छ ।