काे हुन ‘फौजी’की प्रभासको नयाँ हिरोइन इमानभी ?, उनको बारेमा जान्नुहोस

हैदाराबाद, ३ साउन । दक्षिण भारतीय सिनेमाका सुपरस्टार प्रभासको आगामी ठूलो बजेटको चलचित्र ‘फौजी’ अहिले चर्चाको केन्द्रमा छ।

हनु राघवपुडीको निर्देशनमा बन्न लागेको यस ‘पिरियड एक्सन ड्रामा’ मार्फत इमान इस्माइल नामक नयाँ अनुहारले ठूलो पर्दामा डेब्यु गर्दै छिन्। चलचित्रको औपचारिक घोषणा भएदेखि नै प्रभासको जोडीका रूपमा देखिने ती सुन्दरी अभिनेत्री को हुन् भन्ने जान्न सबैजना उत्सुक छन्।

इमान इस्माइल एक उदाउँदी अभिनेत्री, नृत्यांगना, कोरियोग्राफर र सामाजिक सञ्जाल ‘इन्फ्लुएन्सर’ हुन्। उनी प्रभासको आगामी चलचित्र ‘फौजी’ मार्फत अभिनयमा डेब्यु गर्न लागेकी छिन्। यस चलचित्रमा इमान सुपरस्टार प्रभासको जोडीका रूपमा मुख्य अभिनेत्रीको भूमिकामा देखिने छिन्।

चलचित्र उद्योगमा प्रवेश गर्नुअघि नै इमान इस्माइल अनलाइन दुनियाँमा निकै लोकप्रिय र परिचित अनुहार बनिसकेकी थिइन्। सामाजिक सञ्जाल र डिजिटल सामग्री निर्माणको क्षेत्रमा उनी ‘इमानभी’ का रूपमा चिनिन्छिन्। इन्स्टाग्राम र युट्युबमा उनका लाखौं प्रशंसकहरू छन्, जो उनको प्रतिभाबाट मन्त्रमुग्ध छन्। तमिल गीत ‘तुम तुम’ मा आधारित उनको नृत्य भिडियो भाइरल भएपछि उनले व्यापक लोकप्रियता हासिल गरिन्।

इमान्वी भरतनाट्यम र कथकजस्ता शास्त्रीय नृत्यका साथै हिप हप र ज्याजजस्ता आधुनिक नृत्य शैलीहरूमा पनि निपुण छिन्। उनले विश्वका विभिन्न देशहरूमा नृत्य कार्यशालाहरू सञ्चालन गरेकी छिन्। पश्चिमी धुन र भारतीय शास्त्रीय नृत्य शैलीको सम्मिश्रण गरिएका उनका ‘फ्युजन भिडियो’हरू सामाजिक सञ्जालमा प्रायः भाइरल हुने गर्छन्।

चलचित्रको घोषणा हुँदा उनको नाम ‘इमान इस्माइल’ बताइएको थियो तर पछि यसलाई परिवर्तन गरेर ‘इमानभी’ राखियो। इमान इस्माइलको जन्म २० अक्टोबर १९९५ मा भएको थियो। उनी जम्मा ८ वर्षकी हुँदा उनको परिवार संयुक्त राज्य अमेरिकाको क्यालिफोर्नियास्थित लस एन्जलसमा बसाइँ सरेको थियो। उनका आमाबुवा भारतीय मूलका अमेरिकी नागरिक हुन्। उनी त्यहीँ हुर्किइन् र अमेरिकामा नै आफ्नो एमबीएको अध्ययन पनि पूरा गरिन्।

जब ‘फौजी’को घोषणा गरियो, तब केही समाचारहरूमा इमान मूल रूपमा पाकिस्तानको कराँचीकी हुन् र उनका बुबा पाकिस्तानको सेनामा अधिकृत थिए भन्ने दाबी गरिएको थियो। तर, पछि इमानले स्पष्ट पारिन् कि उनी लस एन्जलसमा हुर्केकी एक भारतीय अमेरिकी हुन् र उनको परिवारको पाकिस्तानसँग कुनै सम्बन्ध छैन।

प्रभासको चलचित्र ‘फौजी’ सन् २०२६ को डिसेम्बर ३ मा हलहरूमा प्रदर्शन हुनेछ। यस चलचित्रमा मिथुन चक्रवर्ती, अनुपम खेर र जया प्रदाले पनि मुख्य भूमिका निर्वाह गर्नेछन्। राजेश शर्मा, राहुल रविन्द्रन, जितिन गुलाटी र चैत्रा जे अचारजस्ता प्रतिभाशाली कलाकारहरू पनि यस चलचित्रमा समावेश छन्।