श्रावण २६ गते, २०८३ मा प्रकाशित
हैदारावाद, २६ साउन । लोकेश कनागराजले ‘डिसी’ मार्फत अभिनयमा डेब्यु गरेका छन्।
यो तमिल एक्सन ड्रामाले प्रदर्शनको पहिलो दिनदेखि नै दर्शकहरूबाट अत्यधिक माया पाइरहेको छ । यसले बक्स अफिसमा हलिउडकै सबैभन्दा ठुलो ओपनिङ भएको चलचित्र ‘स्पाइडर मैन ब्रांड न्यू डे’ लाई समेत पछि पार्दै तहल्का मच्चाएको छ। लगानी अनुसार उसको आम्दानीको हिसाव हेर्दा यसले स्पाइडर म्यानलाई दोस्रो दिनमा नै पछि पारेको हो ।
वास्तवमा, अरुण मथेश्वरनको यो थ्रिलर चलचित्रको मुख्य आकर्षणमध्ये एक अनिरुद्ध रविचन्दरको संगीत रहेको छ। उत्कृष्ट सुरुवात पछि यस चलचित्रले पहिलो सप्ताहन्तमा हलहरूमा ठूलो संख्यामा दर्शकहरूलाई आकर्षित गर्यो, जसका कारण बक्स–अफिसको कमाइमा भारी वृद्धि भयो। आउनुहोस्, ‘डिसी’ को पहिलो सप्ताहन्तको तथ्याङ्कमाथि एक नजर हालौँ।
तमिल चलचित्र ‘डिसी’ले बक्स अफिसमा ४।४ करोड रुपैयाँको ओपनिङ गर्यो तर दोस्रो दिन चलचित्रको कमाइमा करिब ६० प्रतिशतले वृद्धि भयो र यसले आफ्नो पहिलो शनिबार ७ करोड रुपैयाँ संकलन गर्यो। सैकनिल्कको तथ्याङ्क अनुसार तेस्रो दिन अर्थात् आइतबार लोकेश कनागराज अभिनित यस चलचित्रले कुल ४,६३९ स्क्रिनहरूबाट ९.५५ करोड रुपैयाँ कमाइ गर्यो।
आइतबार चलचित्रको प्रदर्शन हुने स्क्रिनको संख्यामा पनि वृद्धि देखियो । शुक्रबार यो चलचित्र ३,५०४ स्क्रिनमा प्रदर्शन भइरहेको थियो तर प्रदर्शनको तेस्रो दिन अर्थात् आइतबार यस चलचित्रको तमिल संस्करणले ६.६ करोड रुपैयाँ कमायो भने तेलुगु र हिन्दी संस्करणले क्रमशः २.३ करोड र ०.६५ करोड रुपैयाँ कमायो । यससँगै, भारतमा तीन दिनमा चलचित्रको कुल खुद कमाइ २०.९५ करोड रुपैयाँ पुगेको छ। यस चलचित्रले तेस्रो दिन विदेशमा २.२५ करोड रुपैयाँ कमायो, जससँगै यसको हालसम्मको कुल अन्तर्राष्ट्रिय कमाइ ७.७५ करोड रुपैयाँ पुगेको छ। यसका साथै, चलचित्रको विश्वव्यापी कुल कमाइ ३२.४७ करोड रुपैयाँ पुगेको छ।
अरुण मथेश्वरनद्वारा निर्देशित चलचित्र ‘डिसी’ ले २०.९५ करोड रुपैयाँको खुद कमाइ गर्दै ठूलो कीर्तिमान कायम गरेको छ। यस वर्षको ‘कलिउड’ अर्थात तमिल चलचित्र उद्योगमा ओपनिङ विकेन्डमा सर्वाधिक कमाइ गर्ने चलचित्रहरूको सूचीमा यो छैटौं स्थानमा पर्न सफल भएको छ।
२५ करोड रुपैयाँको सामान्य बजेटमा बनेको यस चलचित्रले प्रदर्शनको तीन दिनमै स्वदेशी बजारको खुद ‘थिएटरिकल’ आम्दानीमार्फत आफ्नो निर्माण लागतको ८३ प्रतिशतभन्दा बढी रकम उठाइसकेको छ। २५ करोड रुपैयाँको लगानीलाई उछिनेर बक्स अफिसमा सफलता हासिल गर्न अब यसलाई स्वदेशी बजारबाट ५ करोड रुपैयाँभन्दा कम खुद आम्दानीको आवश्यकता छ।
अन्य समाचारहरु
