उच्च पहाडी भेगका किसानहरु समयमा पानी नपरेपछि मकै रोप्न नपाएर मारमा

नुवाकोटका उच्च पहाडी भेगका किसानहरु समयमा पानी नपरेपछि मकै रोप्न नपाएर मारमा परेका छन् भने तल्लो भेगमा लगाएको मकै सुक्न थालेको छ ।

 

जेठको तेस्रो साता बित्न लाग्दा पनि आकाशे पानीको भरमा बाली लगाउनु पर्ने किसानहरु खडेरीको कारण मकै रोप्न नपाएर मारमा परेका हुन् । यो बर्ष पानी नपरेपछि जिल्लाको फिकुरी, काहुले, भाल्चे, देउराली, बुङताङ, किम्ताङलगायतका गाविसमा लगाइएको मकै बाली नष्ट भएको छ भने बेलकोट, रातमाटे, जिलिङ लगायतका किसानले बारीमा मकै रोप्न नै पाएका छैनन् ।

 

गत बर्ष राम्रो बर्षाको कारण धान, गहुं, मकै लगायतका खाद्यान्न ९ दशमलव ८० प्रतिशतले बृद्धि भएको कृषि मन्त्रालयले जनाएपनि यो बर्ष नुवाकोटमा मकै, धान लगायतको उत्पादन घट्न सक्ने जिल्ला कृषि विकास कार्यालयले जनाएको छ । बर्षा नभएकै कारण जिल्लामा लगाइएका अन्य तरकारी बालि समेत प्रभावित बनेका छन् । RSS