भाद्र ४ गते, २०८३ मा प्रकाशित
काठमाडौं, ४ भदौं । आज गोरखकाली पूजाकाे दिन हो । गोरखा दरबार र शाहवंशीय परम्परासँग जोडिएको एक महत्त्वपूर्ण धार्मिक तथा सांस्कृतिक पूजा हो। यो पूजा देवी गोरखकाली अर्थात दुर्गा र कालीको एक स्वरूपको आराधना गर्दै शक्ति, सुरक्षा र शुभ फलको कामनाका लागि गरिन्छ।
धार्मिक महत्त्वका अनुसार गोरखकालीलाई गोरखा राज्य र शाह वंशकी कुलदेवीका रूपमा मानिन्छ। साथै, गुरु गोरखनाथ र गोरखकालीको कृपाले गोरखा राज्यको स्थापना र नेपाल एकीकरण सम्भव भएको धार्मिक विश्वास छ।
महिनामा दुई पटक पूजा हुने गरेको छ । नेपाली पात्रो अनुसार सामान्यतया प्रत्येक महिनाको अष्टमी तिथिका शुक्ल पक्ष र कृष्ण पक्ष दुवैमा गोरखकाली पूजाको विशेष योग पर्छ।
यो दिन गोरखा दरबारमा विशेष अनुष्ठान गरिन्छ । गोरखास्थित गोरखकाली मन्दिरमा यस दिन परम्परागत विधिअनुसार बलि, सङ्कल्प र विशेष पूजाआजा गर्ने गरिन्छ।
दशैं र नवरात्रमा विशेष बडादशैंमा यसको महत्व रहने गर्छ । दशैँको समयमा अर्थात विशेष गरी फूलपाती र महाअष्टमीका दिन गोरखा दरबारबाट धादिङ हुँदै काठमाडौँको हनुमानढोकासम्म फूलपाती ल्याउने र गोरखकालीको विशेष पूजा गर्ने ऐतिहासिक परम्परा अझै पनि कायम छ।
यो पूजा मुख्यत शक्ति सञ्चय, संकट निवारण र कुलको समृद्धिका लागि आयोजना गरिन्छ।
अन्य समाचारहरु
