काठमाडौं – मारियो बालाटोलीको उत्कृष्ट प्रदर्शनसँगै इटाली यूरोकप फुटबलको फाइनलमा पुगेको छ ।
गएराति जर्मनीलाई २ एक गोल अन्तरले हराउँदै इटाली फाइनलमा पुगेको हो । इटाली अब उपाधिका लागि स्पेनसँग आइतबार राती भिडनेछ ।
बालाटोलीले खेल शुरु भएको २० औं मिनेटमा पहिलो गोल गरेका थिए भने दोस्रो गोल ३६ औ मिनेटमा गरेका थिए । जर्मनीका लागि ओजिलले ९० औं मिनेटमा सानत्वना गोल गरेका थिए ।
इटालीले एउटा पनि कर्नर नपाउँदा जर्मनीले १४ ओटा कर्नर पाएको थियो । इटालीमाथि दबाब बढाएपनि गोल गर्न नसकेपछि जर्मनी उपाधी होडबाट बाहिरिएको छ ।
उपाधिका लागि आउदो आइतवार राति इटालीले साविक बिजेता स्पेनसँग प्रतिस्पर्धा गर्नेछ । पेनाल्टी सुट आउटमा ४ दुईले पोर्चुगललाई हराउँदै स्पेन फाइनलमा पुगेको हो ।
– एजेन्सी
आषाढ़ १५ गते, २०६९ मा प्रकाशित
