नेसन्स लिगमा स्पेन र इङ्ल्यान्डको शानदार जित

काठमाडौं । युरोपेली नेसन्स लिगअन्तर्गत स्पेन र इङ्ल्यान्डले प्रभावशाली जित निकालेका छन् । गएराती सम्पन्न खेलमा स्पेनले चेक गणतन्त्रलाई ३–१ ले हराउँदा इङ्ल्यान्डले क्रोएसियामाथि ७–० को फराकिलो जित दर्ता गरेको हो ।

स्पेनको जितमा लामिन यामाल, रोड्री र मिकेल मेरिनोले गोल गरेका थिए भने चेक गणतन्त्रका लागि जिरी स्लामाले एक गोल फर्काएका थिए । जितसँगै स्पेनले तीन खेलबाट ९ अंक जोड्दै समूहमा शीर्ष स्थान कायम राखेको छ ।

यस्तै, इङ्ल्यान्डका लागि कप्तान ह्यारी केन र बुकायो साकाले समान दुई गोल गरेका थिए भने जुड बेलिङ्घम, एन्थोनी गोर्डन र मोर्गन रोजर्सले एक–एक गोल थपेका थिए । इङ्ल्यान्डले तीन खेलबाट ६ अंक जोड्दै दोस्रो स्थानमा रहेको छ ।

समूहमा क्रोएसियाको ३ अंक छ भने चेक गणतन्त्रले अहिलेसम्म अंक जोड्न सकेको छैन ।