भाद्र १७ गते, २०६९ मा प्रकाशित
अमेरिकी राष्ट्रपतिको कार्यालय ह्वाइट हाउसले राष्ट्रपति बाराक ओबामाको मनपर्ने पेय पदार्थको बारेमा अहिले सम्मकै गोप्य मानिएको तथ्य सार्वजनिक गरेको छ । करिब १३ हजार मानिसले इन्टरनेट मार्फत ओबामालाई मनपर्ने घरमै बनाइएको खास किसिमको वियरबारे जानकारी मागेपछि ह्वाइट हाउसले त्यसको विवरण सार्वजनिक गरेको हो ।
जनताको कौतुहता र उत्सुकताका कारण गोप्य राखिएको बियर बनाउने विधिबारे जानकारी गराइएको ह्वाइट हाउसले जनाएको छ । अमेरिकी राष्ट्रपति ओबामा घरमा बनाइएको वियरको खास शौखिन मानिन्छन् । ह्वाइट हाउसमा ओबामाको लागि भनेरै पहिलो पटक बियर बनाएको बताइन्छ ।
ओबामाले आफ्नो चुनावी अभियानमा पनि यो बियर लगिसकेको र मतदाताहरुले पनि चाखिसकेको बताइएको छ । तर आलोचकहरुले भने बियरको पछाडि राजनीतिको गन्ध आएको टिप्पणी गरेका छन् ।
अन्य समाचारहरु
