शक्तिपीठमा दशैँको अवसरमा दिने पशुबलिको सङ्ख्यामा कमी

विसं २००८ देखि धामी भएर काम गरिरहनुभएका ७२ वर्षीय डङ्गोल पहिले पहिले बलि दिनेको ताँती लाग्ने गरेको अनुभव सुनाउँछन्।

“पशुबलि दिनेहरू लाइनमा बस्नुपर्थ्यो, पालो पाइनसक्नु हुन्थ्यो”‘ पुराना दिन सम्झँदै डङ्गोलले भने- अहिले फाट्टफुट्ट बलि दिनेहरु आउँछन्। सायद यो समयसँगै धर्मकर्म बलिप्रथा पनि परिवर्तन हुँदै आएको हो कि।

फूलपातीको दिनसम्ममा पनि पशुबलि दिनेको सङ्ख्या अत्यन्त न्यून रहेको भैरवी भजनमण्डलले जनाएको छ। अहिलेको पुस्ता धर्मकर्ममा आस्थावान् देखिए पनि पशुबलि दिएर पुण्यप्राप्त हुन्छ भन्ने धारणा घट्दै गएकाले बलिको चलन पनि घटेको नुवाकोट सम्पदा संरक्षण मञ्चका अध्यक्ष श्यामसुन्दर श्रेष्ठले बताए।