एकीकृत नेकपा माओवादीका अध्यक्ष पुष्पकमल दाहाल प्रचण्डले सहमतिको समयसीमा बढाउन फेरि राष्ट्रपति रामबरण यादब समक्ष आग्रह गरेका छन ।
आज विहान शीतल निवासमा भेट्न गएका प्रचण्डले अहिलेसम्म दलहरुबीच अहिलेसम्म भएको छलफलको जानकारी गराउँदै प्राप्त उपलब्धीका विषयमा राष्ट्रपतिसँग छलफल गरेको प्रचण्ड निकट स्रोतले जनाएको छ ।
उनले राष्ट्रपतिलाई अहिले दलहरुबीच औपचारीक छलफल नभएको र अनौपचारिक छलफल धेरै भएकोले आजको दिनभरमा निकास निकाल्ने तयारी भएको जानकारी गराएका थिए ।
आजको छलफलमा पनि निकास ननिस्किए केही दिन म्याद थप्न प्रचण्डले आग्रह गरेको बुझिएको छ ।
मंसिर २७ गते, २०६९ मा प्रकाशित
