काठमाडौं – हिन्दु धर्मावलम्बीहरूले घरको मूलढोकामाथि नागको चित्र टाँसेर पूजा गरी आइतबार नाग पञ्चमी मनाउँदै छन् ।
प्रत्येक वर्ष साउन शुक्लपक्ष पञ्चमीमा बिहानै घरमा लिपपोत गरेपछि मूलढोकामाथि विभिन्न रंगले बनाइएको नागको चित्रलाई गोबरले टाँसी गाईको दूध र दुबो चढाएर पूजा गरिन्छ ।
गरुडतन्त्रै विष्णु वचनमा यस दिन घरको ढोकामाथि वा तोरणमा नागको चित्रलाई त्यसको चारै कुनामा गोबर टाँसी सिंगो सुपारी, रायोको गेडा, दुबो र गाईको दूधसमेत चढाई विधिपूर्वक पूजा गरेमा नाग र गरुडको भय नहुने उल्लेख छ ।
यस दिन विशेषगरी शंखपाल, महाकृष्णो, नन्दोपनन्द, कर्कोटक, पद्म, वासुकी, कुलिक र अनन्त नागराजाको पूजा गरिन्छ ।
कालीयनागको वासस्थान मानिएको काठमाडौं धापाखेलको नागदह, कर्कोटक नागको वासस्थान टौदह, नक्सालको नागपोखरी, भक्तपुरको सिद्धपोखरी, पशुपतिमा रहेको वासुकी नागलगायतमा पनि यस दिन मेला लाग्दछ ।
RSS
Copyright 2013 Arghakhanchi.Com. All rights reserved. This material may not be published, broadcast, rewritten or redistributed.
अर्घाखाँचीडट्कमलाई सहयोग गर्न तल देखिने विज्ञापनहरुमा बारम्बार क्लिक गर्नुस्।
श्रावण २७ गते, २०७० मा प्रकाशित
