विश्वकप फुटबल अन्तर्गत समुह डि का खेलहरुमा कोष्टारिका र ईटाली विजयी
आषाढ़ १ गते, २०७१ मा प्रकाशित
आषाढ १ । विश्वकप फुटबल अन्तर्गत समुह डि का खेलहरुमा कोष्टारिका र ईटाली विजयी भएका छन् । अमेजन जंगलको बिचमा रहेको मानस रंगशालामा आज विहान सम्पन्न भएको खेलमा ईटालीले इंग्लण्डलाई २-१ ले हराएको हो । खेलमा ईटालीका क्लाउडियो मार्कीसीयोले पहिलो गोल गरे । तर यसको लगत्तै इंग्लण्डका ड्यानिएल स्टरीजले एक गोल गर्दै टोलीलाई खेलमा फर्काए । दोस्रो हाफमा ईटालीले अर्को गोल थप्यो ।
मारीयो बालोटेलीले गरेको उक्त गोल नैं खेलको निर्णायक गोल बन्यो । जीतसँगै सिजारे प्राण्डेलीको प्रशिक्षणमा रहेको ईटालीले दोस्रो चरणमा प्रवेश गर्ने संभावनालाई बलियो पा-यो भने रोय हज्सनको टोली इंग्लेण्ड दबाबमा परेको छ ।
विश्वकप अन्तर्गतको अर्को खेलमा मध्य अमेरीकी मुलुक कोष्टारिकाले दावेदार उरुग्वेलाई ३-१ ले हराएको हो । खेलको २४ औं मिनेटमा उरुग्वेका एडिन्सन काभानीले पेनाल्टीमार्फत गोल गर्दै उरुग्वेलाई अग्रता दिए ।
तर यसपछि एकाएक आक्रामक प्रदर्शन गरेको कोष्टारिकाको लागि जोल क्याम्पवेलले ५४ औं मिनेटमा बराबरी गोल गरे । यसको ३ मिनेटपछि ओस्कार डुवार्टेले एक गोल गर्दै कोष्टारिकालाई खेलमा पहिलो पटक अग्रता दिए ।
८४ औं मिनेटमा मार्को उरेनाले कोष्टारिकाको लागि तेस्रो गोल गर्दै टोलीको जीत सुनिश्चित गरे । जीतसँगै कोष्टारिकाले समुहमा अग्रता लिएको छ भने दावेदार उरुग्वे पहिलो खेलमै अप्रत्यासित नतिजा भोग्न बाध्य भएको छ । विश्वकप फूटबल २०१४ (ब्राजिल) को खेल तालिका
आषाढ़ १ गते, २०७१ मा प्रकाशित
विश्वकप फूटबल २०१४ (ब्राजिल) को खेल तालिका
