संसदमा आन्दोलनरत एमालेलगायत आठ दलको विपक्षी गठबन्धनले निर्वाचन हुने वातावरण बनाउने गरी सरकार प्रस्तुत भए सदनभित्र सहयोग गर्ने भएका छन् । तर संविधान संशोधन विधेयक फिर्ता नलिँदासम्म सदनको अवरोध भने जारी राख्ने निर्णय गरेका छन् । कान्तिपुरमा समाचार छ ।
संशोधन विधेयकविरुद्ध सदनमा भइरहेको आन्दोलनबारे समीक्षा गर्न विपक्षी गठबन्धनको बैठक मंगलबार एमाले संसदीय दलको कार्यालयमा बसेको थियो । चुनाव हुनुपर्ने कुरामा हामीले जोड दिँदै आएका छौं, एमाले प्रमुख सचेतक भानुभक्त ढकालले भने, निर्वाचन हुने वातवारणका लागि विधेयक फिर्ता लिएको अवस्थामा हामी जुनसुकै सहयोग गर्न तयार छौं ।
मंसिर २८ गते, २०७३ मा प्रकाशित
