व्यवस्थापिका-संसद अन्तर्गतको सामाजिक न्याय तथा मानवअधिकार समितिले कन्चनपुरको पुनर्वास घटनामा घाइते भएका टिकाराम चापागाइँको स्वास्थ्य अवस्थाबारे जानकारी लिएको छ ।
समितिले बिहीबार शिक्षण अस्पताल महारागन्जमा उपचाररत् चापागाइँलाई भेटेर स्वास्थ्य अवस्थाबारे जानकारी लिएको हो । चापागाइँलाई चैत १२ गते उपचारका लागि काठमाडौं ल्याएको हो ।
गत फागुन २६ गते नेपाल-भारत सीमा क्षेत्र कन्चनपुरको पुनर्वासमा भारतीय प्रहरीको ज्यादतीविरुद्ध संघर्ष गर्नेक्रममा उनी घाइते भएका थिए ।
टाउको र ढाडमा चोट लागेका उनको उपचारमा सरकारले आर्थिक सहयोग गरेको छ ।
घरमा कमाउने व्यक्ति आफूमात्रै भएको भन्दै उनले छोरीहरुको पठनपाठनमा सहयोग गर्न सरकारलाई आग्रह गरेका छन् ।
कन्चनपुरको पुनर्वासमा भारतीय प्रहरीको गोली लागेर स्थानीय गोविन्द गौतमको मृत्यु भएको थियो । सरकारले गौतमलाई सहिद घोषणा गरिसकेको छ । इमेजखबरमा समाचार छ ।
चैत्र १७ गते, २०७३ मा प्रकाशित
