नयाँ शक्ति नेपालको संयोजक एवं पूर्व प्रधानमन्त्री डा. बाबुराम भट्टराईले आसन्न स्थानीय तहको निर्वाचनमा आफूहरुलाई दलीय चुनाव चिह्न नदिएर निर्वाचन आयोगले अन्याय गरेको बताएका छन् ।
दलीय चुनाव चिह्नको माग गर्दै नयाँ शक्तिसहितका दलले रत्नपार्कको शान्तिबाटिकामा रिले अनसन शुरु गरेको अवसरमा बोल्दै नेता भट्टराईले एउटै चिह्नमा चुनाव लड्न पाउनुपर्ने माग गरे ।
उनले संविधानले तोकेको समयसीमामा तीनवटै निर्वाचन सम्पन्न गर्नुपर्ने पक्षमा आफूहरु रहे पनि सरकारको दबाबमा आयोगले गरेको व्यवस्था विभेदयुक्त रहेको बताए ।
८ गतेसम्म हुने अनशनको पहिलो दिन शनिबार नयाँ शक्तिका संयोजक बाबुराम भट्टराईसहित ६८ दलका मूख्य नेता अनशनमा बसेका छन् ।
संसदमा प्रतिनिधित्व गर्ने दलले मात्र चुनावमा दलीय चिह्न पाउनेगरी निर्वाचन ऐन बनेपछि ६८ दल विरोधमा उत्रिए । इमेजखबरमा समाचार छ ।
बैशाख २ गते, २०७४ मा प्रकाशित
