कालिकोटको जितेगडाबाट महेन्द्रनगर जाँदै गरेको ना४ख २९९८ नम्बरको एक यात्रीबहाक बस बुधबार दैलेखको आठबीस नगरपालिका–४ को नैनाल सडकखन्डमा दुर्घटना कम्तीमा हुँदा १० जनाको मृत्यु भएको छ ।
दुर्घटनामा परी अरु १८ यात्री घाइते भएका छन् । मृतकको सनाखत हुन सकेको छैन भने घाइतेहरुको अवस्था पनि गम्भीर रहेको प्रहरीले जनाएको छ ।
मृतकमध्ये सात पुरुष, दुई महिला र एकजना बालिका रहेको दैलेखका प्रमुख जिल्ला अधिकारी प्रकाश अधिकारीले जानकारी दिए ।
बस बुधबार दिउँसो ३ बजेतिर सडकबाट करिब ३०० मिटर तल कर्णाली नदीमा खसेको प्रहरीले जनाएको छ । घाइतेहरुको दैलेख बजारमा उपचार भइरहेको छ ।
घाइतेहरुको अवस्था गम्भीर रहेकाले हेलिकोप्टरमार्फत् काठमाडौं लैजाने तयारी भइरहेको प्रहरीले जनाएको छ ।
दुर्घटनाको कारण भने खुल्न सकेको छैन । इमेजखबरमा समाचार छ ।
जेष्ठ ३१ गते, २०७४ मा प्रकाशित
