प्रदेश नम्बर-२ मा सम्पन्न तेस्रो चरणको स्थानीय निर्वाचनको मतगणना जारी

सिरहामा नेकपा माओवादी केन्द्र तीन, संघीय समाजवादी फोरम नेपाल र राजपा नेपाल दुई/दुई तथा नेपाली कांग्रेस र नेकपा एमाले एक/एक वडामा समूहसहित विजयी भएका छन् ।

पछिल्लो मतपरिणामअनुसार कर्जन्हा नगरपालिका-१ र ३ को वडाध्यक्षमा माओवादी केन्द्रका क्रमशः मोहनबहादुर खत्री र कपलेश्वर यादव विजय भएको निर्वाचन अधिकृत शुवर्णमान बनेपालीले जानकारी दिए ।

यस्तै, अर्नमा गाउँपालिका-१ को वडाअध्यक्षमा माओवादी केन्द्रका गफार मियाँले ७२४ मत ल्याइ विजयी भएका छन् ।

जिल्लाको कल्याणपुर नगरपालिका-१ र २ को वडाध्यक्षमा राजपाका क्रमशः विशेश्वर मुखिया र जयराम कामती विजयी भएका छन् ।

यस्तै, औरही गाउँपालिका-१ को वडाध्यक्षमा संघीय समाजवादी फोरम नेपालका तुलसी ठाकुर र भगवानपुर गाउँपालिका १ को वडाध्यक्षमा सोही पार्टीका बद्रीनारायण यादव विजयी भएको जिल्ला निर्वाचन कार्यालयले जनाएको छ ।

यस्तै, धनगढीमाई नगरपालिका-१ को वडाध्यक्षमा नेकपा एमालेका सूर्य नारायण महतो र लहान नगरपालिका-२ को वडाध्यक्षमा नेपाली कांग्रेसका शियाराम यादव विजयी भएको जिल्ला निर्वाचन कार्यालयले जनाएको छ । रासस