मेलम्ची खानेपानी आयोजनाको ९० प्रतिशत काम सम्पन्न भएको जनाइएको छ ।
मेलम्ची खानेपानी आयोजना कार्यान्वयन निर्देशनालयअन्तर्गत् काठमाडौं उपत्यकामा भइरहेको प्रगतिको बुधबार एसियाली विकास बैंकले गरेको स्थलगत अवलोकनपछि ९० प्रतिशत काम सम्पन्न भएको जानकारी गराइएको हो ।
अवलोकनपछि एडीबीका दक्षिण एसियाका उपमहानिर्देशक दिवेश शरणले कार्यप्रगति सन्तोषजनक रहेको भन्दै आयोजना समयै सम्पन्न गर्न सुझाव दिए ।
मेलम्ची खानेपानी आयोजना कार्यान्वयन निर्देशनालयका कार्यकारी निर्देशक तिरेशकुमार खत्रीले हालसम्म काठमाडौं उपत्यकामा ९० प्रतिशत काम सम्पन्न भइसकेको बताए ।
मेलम्चीको पानी सुन्दरीजलमा आएको ३ देखि ६ महिनाभित्र काठमाडौंवासीले उपभोग गर्नसक्ने उनको भनाइ छ ।
राष्ट्रिय गौरवको आयोजना मेलम्ची खानेपानी आयोजना यसअघि गत असोजमा नै सम्पन्न गर्ने बताइएको थियो । तर, अब आउँदो चैतमा मेलम्चीको पानी सुन्दरीजलसम्म ल्याउने दाबी सरकारको छ ।
करिब ५० अर्ब रुपैयाँ कुल लागत रहेको आयोजनामा एसियाली विकास बैंकको ३५ अर्ब ऋण सहयोग रहेको छ । इमेजखबरमा समाचार छ ।
कार्तिक १५ गते, २०७४ मा प्रकाशित
