बलात्कारपछि हत्या गरिएकी १३ वर्षीया बालिका निर्मला पन्तको हत्याको एक साता बित्दा पनि दोषी पत्ता नलगाएको भन्दै कन्चनपुरका विद्यार्थीले बिहीबार महेन्द्रनगरमा विरोध जुलुस निकालेका छन् ।
विद्यार्थीहरुले प्रहरी प्रशासन र सरकारलाई चाँडो दोषीसम्म पुग्न दबाब दिएका हुन् ।
निर्मला पन्तको हत्या भएको ८ दिनसम्म पनि हत्यारा पत्ता नलगाउँदा अरु विद्यार्थीमा पनि त्रास फैलिएको उनीहरुको भनाइ छ ।
हत्यारा पत्ता लगाइ कारबाही गर्न माग गर्दै कन्चनपुरमा विद्यार्थीहरुले लगातारजसो प्रदर्शन गर्दै आएका छन् ।
बालिकाको हत्या भएको चार दिनपछि गत मंगलबार अन्त्येष्टि गरिएको थियो ।
प्रहरीले भने घटनाको अनुसन्धान भइरहेको जनाएको छ । इमेजखबरमा समाचार छ ।
श्रावण १७ गते, २०७५ मा प्रकाशित
