नुवाकोटको लात्तेबाज जीप दुर्घट्नाको कारण क्षमता भन्दा बढी यात्रु बोक्दा (मृत्‍यु हुने र घाईतेहरुको विवरण)

नुवाकोट, अर्घाखाँची । अर्घाखाँची जिल्लाको भुमिकास्थान नगरपालिकाको वार्ड  नम्बर  ८ नुवाकोटको लात्तेबाजमा भएको जीप  दुर्घट्नाको कारण क्षमता भन्दा बढी यात्रु बोक्दा भएको खुलेको छ ।

सन्धिखर्कबाट खिल्जी  हुँदै प्युठानको बरौला जाँदै  गरेको   लु १ ज १२२९ नम्बरको देउराली यातायातको जीप सोमबार दिउँसो २ बजे लात्तेबाजमा दुर्घट्ना हुँदा ३ जनाकाे मुत्यु भएकाे  छ ।  १६ जना घाइते भएका छन्।

१४ सिट सवार जिपमा चालक बाहेक १८ जना यात्रु थिए। जीपमा १९ जना यात्रु त्यसमा पनि छतमा समेत रहेको र जोखिमपूर्ण सडकको कारण दुर्घटना भएको स्थानीयले बताएका छन् । उकालोको ओभर लोडका कारण गाडी पछाडी सरेर खसेको दुर्घटनाका घाइतेहरुले बताएका छन् । उता घाइते सोनु शाहीका अनुसार केटीसँग जिस्केका कारण दुर्घटना भएको हो। तर उनिले भनिन् पोखेडाँडा पुगेको गाडी फेरि बजार झारेर मान्छे लगेर हालेको हो । शाहीका अनुसार अगाडीको सिटमा ड्राईभर सहित ४ जना, दोेस्रो सिटमा बालबालिका सहित ८ जना रहेका थिए । 

गाडी चालक भुमिकास्थान नगरपालीका ६ का घाइते जिप चालक श्यामबहादुर  घर्तीले लात्तेबाँझको उकालोमा ब्रेक फेल भएपछि दुर्घटना भएको बताएका छन् । तर गाडी दुर्घटना भएको विषयमा अनुसन्धान भइरहेको प्रहरीले जनाएको छ।

दुर्घट्नामा परी मृत्यू हुनेमा प्युठानको ऐरावति गाउँपालिकाकी १४ वर्षिय मोनिका आचार्य, ऐरावतीकै ५२ वर्षीय धनबहादुर राना र सन्धिखर्क नगरपालिका – १२ डिर्भनाका ३ वर्षका प्रिन्स श्रेष्ठको मृत्यू भएको छ। बालकको सन्धिखर्क अस्पतालमा निधन भएको  थियो।

घाइते १६ जनामध्ये १५ जनालाई थप उपचारका लागि अञ्चल अस्पताल बुटवल रिफर गरिएको छ भने एक जनाको जिल्ला अस्पताल सन्धिखर्कमा उपचार भइरहेको छ।

उता जीप दुर्घट्ना भएको थाहा पाएपछि जिल्लाबासीको घ्यान दिनभर लात्तेबाजमा गएको थियो । अर्घाखाँचीमा देउराली यातायातका पुराना गाडी खुलेआम सञ्चालनमा आइरहेका छन् ।

जिप सडकबाट करिब एक सय मिटर तल खसेको छ। अर्घाखाँचीमा  साघुरो कच्ची सडकको जोखिम हुँदा हुँदै पनि यहाँ चल्ने जीपहरुले क्षमता भन्दा बढी यात्रु बोकेर हिँड्ने गरेको देखिन्छ । तर प्रहरीले कुनै कारबाही चलाऊन सकेको छैन् ।

---