बिगत दुई बर्ष देखी कुवेतमा गैरकानुनी रुपमा कार्यरत क्रिकेटका उपकप्तान ज्ञानेन्द्र माल्लकी आमालाई नेपाल पठाउन नेपाली दूताबास कुवेतमा निबेदन दर्ता भएको छ । बैदेशीक रोजगारिको लागि ४ बर्ष पहिला कुवेत आएकि श्रीमती माया मल्ल बिगत २ बर्ष देखी कुवेतमा गैरकानुनी रुपमा कार्यरत छन् । घरेलु नोकरानीको काम गर्न पुगेकी माया मल्ल मालिकको मानसिक र शारिरिक यातना, अभद्र ब्यबहार, कुटपिटले गर्दा आफ्नो शरिर नै जोखीम अवस्थामा पर्न जाने अवस्था देखिएकाले शरिर बचाउनको लागी काम गदै आईरहेको घर छोडि भाग्न वाध्य हुनु भएको थियो । कुवेतको कानुन अनुसार मालिकको घर छोडि भाग्ने कामदार गैरकानुनी हुन्छन् । पुलिसको हात परेको खण्डमा जेलको सजाय भोग्नु पर्ने हुन्छ । त्यसैले श्रीमती माया मल्ल लुकी छिपी बसिरहेकीछिन् ।
श्रीमती माया मल्ल हाल नेपाल फर्कन चाहनुहुन्छ तर वहाँसँग भिषा, पास्पोर्ट केही पनि छैन । वहाँलाई नेपाल फर्कने ब्यबस्था मिलाउन कुवेतका दुई ठुला संस्था माउन्ट एभरेष्ट स्पोर्टइङ क्लब र एन आर एन ए कुवेतले संयुक्त रुपमा नेपाली दूताबासमा निबेदन दिएका छन् । दुबै संस्थाका उपाध्यक्ष रहनु भएका धर्म राज गिरी निबेदन दर्ता गराउन दूताबास पुग्नु भएको थियो । निबेदनमा माया मल्ललाई यथासिध्र नेपाल पठाउने ब्यबस्था मिलाउन दूताबासलाई आग्रह गरेको गिरीले जानकारी दिनुभयो ।
यसै सन्दर्भमा हामीले दूतबासका सचिव पुष्पराज भटराई लाई संपर्क गरेका थियौ । भटराईले भन्नुभयो हामीले प्रकृया शुरु गरेका छौ । वहाँ पुलिस चौकी वा जेलमा केही दिन बिताई कानुनी प्रकृया पुर्याउनुपर्छ । तर वहाँको मनसाय पुलिसको हवाला नहुने भएकोले समय लाग्ने बताउनुभयो । यता कुवेतका संघ संस्थाले भनी दूताबासले केही नगरि कानमा तेल हाली बसेको बताउछन ।
स्मरण रहोस् गत महिना एलिट कप २०१० क्रिकेट खेल्न कुवेत आएका उपकप्तान ज्ञानेन्द्र मल्लले आफ्नी आमालाई नेपाली फर्कने प्रबन्ध मिलाई दिन महामहिम राजदूत मधुवन पौडेललाई आग्रह गरेका थिए । त्यस्तै नेपाली टिमका म्यानेजर बिनोद मैनालीले पनि राजदूतलाई भेटी यथासिघ्र पहल गरिदिन अनुरोध गरेका थिए । – सुजन केसी – कुवेत
आषाढ़ ९ गते, २०६७ मा प्रकाशित
