परासी – संचारमाध्यमहरुले जनाए अनुसार नवलपरासीको सदरमुकाम परासीबाट भैरहवातर्फ जाँदै गरेको ट्रकले नवलपरासीको हकुईमा आज अपराहृन एक युवतीलाई ठक्कर दिँदा युवतीको घटनास्थलमै मृत्यु भएको छ ।
परासीबाट भैरहवातर्फ जाँदै गरेको ना३ख ९९७८ नंको ट्रकले परासी-भैरहवा सडकखण्ड अन्तर्गत हकुई-३, हकुई चोकमा स्थानीय २० वर्षीय दिपावती यादवलाई ठक्कर दिँदा उनको मृत्यु भएको हो ।
ठक्कर दिने ट्रक र ट्रकका चालकलाई अहिले प्रहरी नियन्त्रणमा लिइएको जिल्ला प्रहरी कार्यालय नवलपरासीले जनाएको छ ।
यसैबीच सोही विषयलाई लिएर मृतकका आफन्त र स्थानीयवासीले अहिले परासी-भैरहवा सडकखण्ड अवरुद्ध गराइरहेका छन् भने बाटो सुचारु गर्न स्थानीयवासी र प्रहरीबीच वार्ता भइरहेको छ ।
पौष १९ गते, २०६७ मा प्रकाशित
