चैत्र १ गते, २०६७ मा प्रकाशित
संखुवासभा पनि हावाहुरीले प्रभावित
समाचार अनुसार संखुवासभा, १ चैत- मंगलबार बिहानदेखि आएको हावाहुरीले मकालु गाविसमा करिव १ करोड रुपैयाँको क्षति पुर्याएको छ । मकालु-१, २, ४, ५ र ६ वडाका प्रायः सबै घरका छाना हावाले उडाएको प्रहरी प्रमुख शेखर कोइरालाले बताए ।
मकालुमा रहेको प्रहरी चौकी, हेमान्द्री मावि र अन्य सरकारी कार्यालयका छाना सबै उडाएको कांग्रेसका सभापति तथा मकालुबासी तारामान गुरुङले बताए । उनका २ घर र कटेराको छानोसमेत उडाएपछि परिवारलाई बस्न समस्या भएको उनको भनाइ छ । मकालुमा मात्र करिव १ हजार घरका छाना छैनन् भने त्यसको क्षति करिव एक करोड पचास लाख रुपैयाँ हुने प्रहरीको अनुमान छ ।
जिल्लाका सबै क्षेत्रमा बिहानैदेखि हावाहुरी आइरहेको छ । हावाका कारण धुलो उडेर हिड्न सक्नेअवस्था छैन भने अधिकांश गाउँमा हावाहुरीले घरका छाना उडाएको, रुख र बुट्टा भाचेको स्थानीयले टेलिफोनमा बताएका छन् ।
अन्य समाचारहरु
