चैत्र ३ गते, २०६७ मा प्रकाशित
सल्यान – थाहा भए अनुसार खलंगा ६ स्यानीपनेरी निवासी एक २५ वर्षीया महिलाले आफनै ६ महिने छोराको हत्या गरेकी छिन् ।
२५ वर्षीया चिजमाली बिकले ६ महिने छोरा सुनिल बिकको राति सुतेको समयमा घाँटी थिचेर हत्या गरेकी हुन् । चिजमाया विकले छोराको हत्या गरेको बारेमा केही खुल्न सकेको छैन ।
समय समयमा पागलपनको दौरा पर्ने गर्दै आएकी उनले त्यसैका कारण हत्या गरेको हुन सक्ने आशंका गरिएको छ ।
तीन छोरी रहेकी चिजमाया बिकको सुनिल एक मात्र छोरा हुन् । उनले छोराको हत्या गरेको समेत प्रहरीसामू स्वीकार गरेकी छिन् ।
छोराको हत्या गरेको अभियोगमा अहिले उनलाई प्रहरीले पक्राउ गरेको छ भने मृतक सुनिलको पोष्टमार्टमका लागि जिल्ला अस्पताल लगिएको प्रहरीले जनाएको छ ।
अन्य समाचारहरु
