चैत्र २७ गते, २०६७ मा प्रकाशित
काठमाडौ – हत्याको विरोधमा अखिल नेपाल पोट्रोलियम मजदुर संघले आइतबार मुलुक भरका पेट्रोल पम्प बन्द गरेको छ ।
चितवनको रामनगर स्थित जगदम्बा पेट्रोल पम्पमा कार्यरत सहकर्मी भरत घिमिरेको गत बिहीबार लुटेरा समूहले गोली हानी हत्या गरेको थियो । उक्त घट्नाको विरोधमा संघले आज मुलुक भरका पम्पमा काम ठप्प पारेका हुन् ।
हत्यामा संलग्नलाई खोजी गर्न प्रहरी प्रशासन अनुदार रहेको र मृतक घिमिरेको परिवारलाई क्षतीपूर्ति उपल्ब्ध नगराएको उनीहरुको आरोप छ । घिमिरेको हत्याको विरोधमा संघले बिहीबार चितवनमा पेट्रोल पम्प बन्द गरेको थियो ।
पेट्रोलियम मजदुरको सुरक्षाको प्रत्याभूति नभएसम्म विभिन्न चरणमा आन्दोलन जारी राख्ने मजदुर संघका केन्द्रीय सदस्य गोकर्ण खडकाले बताए । पेट्रोल पम्प बन्दका कारण सर्वसाधारण प्रभावीत बनेका छन् ।
अन्य समाचारहरु
