नेपाली दुतावास कुवेत बिबादको घेराभित्र पुरा विवरण हेर्नुहोश

-तोयानाथ उपेक्षित

अर्घाखाँची टाईम्स यूएई डेस्क – अप्रिल १३ – नेपाली दुतावास कुवैतमा पाँच दिन देखि धाईरहेका नयाँ नेपाल क्लबका अध्यक्ष दिल बहादुर पुनलाई दुतावास सचिब पुष्पराज भट्टराईको निर्देशनमा रिजनल गेट काण्डका खलनायक रामचन्द्र सुवेदीले हिजो मुक्का बजारेका छन । पीडित पुनका अनुसार निज आफ्नो काम लिएर हिजो दुतावास दश तिस बजे पुगेका थिए । करिब चार बजे तिर उनलाई रामचन्द्रले विवादको बीच मुक्का बजारे र भूईमा ढलाए ।

तीन साँढे तिन बजे तिर रामचन्द्र दुतावास त्यसै आएको नभई सचिबले पूर्व नियोजित ढंगले षडयन्त्रपूर्वक बोलाएको दावी पीडितको छ।यो दावीलाई पुष्टि गर्न पुन भन्छन पाँच पाँच दिन म दुतावास धाउदा पुष्पराज सरले रिजनल गेटमा फसेका नेपालीको विषयमा मैले मिडियामा दिएको खबर र बोलेको कुरा गर्नु भएन तर उक्त व्याक्ति दुतावास आए पछि भने उहाँ कडकिएर सो सवालमा म माथि खनिनु भो किन ? पुन अगाडी भन्छन मैले त्यस मान्छे सँग टेलिफोनमा त बात गरेको थिए तर प्रत्यक्ष चिनेको थिईन जो मेरो पछाडी आएर बसेको रहेछ । शायद उसलाई पनि दिल पुन को भन्ने थाहा थिएन क्यार ?। जहाँ पुष्प सरको मलाई पहिचान गराउने भुमिकापूर्ण शैली र असान्दर्भिक सवाल खडा भए तब राम चन्द्र नाटकिय झोक देखाउदै तँ को होस पत्रिकामा समाचार दिने भन्दै म माथि हात हाल्न आईपुग्यो यसर्थ त्यहाँ पुष्पराज भटटराई साधु हुन भनेर मैले त के लाटाले पनि भन्दैन पुन को तर्क थियो ।

रामचन्द्रले एक्कासी भकाभक एउटा तालु खुईलेको बुढोबुढो लाग्ने मान्छेलाई कुटदै गरेको मैले देखे र छुट्याए, पछि मात्र मलाई चिनाईयो तिनी दिल पुन रहेछन, प्रत्यक्षदर्शी कुमार झापाली भन्छन । मलाई विवादको विषयमा केही थाह छैन त्यस पछि रामचन्द्र बाहिर तिर लागे भने पुष्पसरले दिल पुन लाई भित्र तिर लानु भो झापालीको थप भनाई थियो । पीटाई खाए पछि दिल पुनले दुतावास सचिब सँग आफु माथि षडयन्त्रपूर्ण आक्रमण गरेको र त्यसको योजनाकार तपाई नै हो भनी आरोप लगाएका थिए । प्रतिउत्तरमा सचिबले आक्रोशित हुदै के गर्न सक्छस गरेर देखा म के गर्न सक्छु गरौला पुनले भने ।