यूएई डेस्क – आबुधाबी-नेपाली जनप्रगतिशील मञ्च यूएईले एक विज्ञप्ति प्रकाशित गरी माओवादीका उपाध्यक्ष डा. बाबुराम भट्टराईको पार्टी भित्रैबाट भएको सुनियोजित हत्या योजना र धम्की प्रति घोर आपत्ती जनाउंदै दोषीमाथि कडा भन्दा कडा कारवाहीको माग गरेको छ ।
मञ्चद्वारा जारी गरिएको विज्ञप्तिमा भनिएको छ हाम्रो गौरबशालि पार्टी ऐ नेकपा (माओबादी)का उपाध्यक्ष क. बाबुराम भट्टराईलाई पार्टी भित्र देखापरेको केहि उछरिङ्खल व्यक्तिहरुको समूहले गरेको सुनियोजित हत्या योजना र पार्टी मुख्यालयभित्रै प्रत्यक्ष रुपमा दिएको धम्किले हामी यूएईमा रहेका सम्पूर्ण क्रान्तिकारी,बामपन्थी,जनबादी एवं देशभक्त प्रवासी नेपालीहरुलाई अत्यन्तै दुखित तुल्यायको छ। हामी यस्तो कायरता पूर्ण घटनाको घोर निन्दा र भर्त्सना गर्दै दोसी उपर कडा भन्दा कडा कारबाहीको माग गर्दछौ।
साथै बिगत केहि समय देखि पार्टीमा हुर्किदै गरेको केहि अराजक प्रवृतिका मान्छेहरुद्वारा फरकबिचार राख्ने आफ्नै कार्यकर्ता र सहकर्मीहरुलाई बुर्जुवा शैलीमा क्रान्तिकारी नैतिकताको धज्जी उडाउदै भौतिक रुपमानै कुटपिट गर्ने, धम्क्याउने जस्ता अत्यन्तै घिर्णित र तल्लो स्तरमा हुने गरेका कृयाकलापहरुका समाचारहरु हेर्दै र सुन्दै आएका थियौ । यस्ता घटनामा संलग्न जो कोहीलाई पनि पार्टी नेत्रित्वले बेलैमा कडा कारवाहीको दायरामा ल्याउन नसकेकै कारण यो प्रवृतिले आज कमरेड बाबुराम भट्टराईलाई सम्म धम्क्याउने हिम्मत गरेको हो भन्ने हाम्रो बुझाई हो।
यो घटनामा संलग्न जो कोहीलाई पनि कठोर भएर कडा भन्दा कडा कारवाही गर्न नसक्ने हो भने आज क। भट्टराईलाई ज्यानलिने योजना बनाउने यी अराजक व्यक्तिहरुबाट भोलि अध्यक्ष वा अन्य नेतृत्व यो प्रवृतिको निशानामा नपर्ला भन्न सकिदैन। यदी यो प्रवृति हाबी हुदै गयो भने हामी सबै पार्टीप्रति प्रतिबद्द नेता, कार्यकर्ता र शुभचिन्तकहरुले अबका दिनमा सुरक्षित भएर बिचारको राजनीति गर्न छोड्नु पर्ने स्थितिलाई भोग्नु पर्नेछ। त्यसैले हामी ए.नेकपा माओबादीका शिर्ष नेत्रित्तोहरुलाई यो घटनाको दिर्घकालिन गम्भीरता प्रति समेत बिशेष ध्यानाकर्षण गराउन चाहन्छौ।
त्यसैले पार्टी मुख्यालयमा नै यस्ता षड्यन्त्र गर्ने गराउने सबैलाई उचित छानबिन गरि सार्बजनिक गर्दै यथासक्य छिटो भन्दा छिटो घटनामा संलग्न सबै अराजक,असभ्य र विचार बिहिन हिंस्रक समुहलाई कडा कारवाहीको माग गर्दै राजनीतिमा मौलाउदै गएकोको गुण्डा गर्दी प्रब्रितिका बिरुध आ-आफ्नो ठाउँबाट खबरदारी सहित आवश्यक दबाब सिर्जना गर्न सम्पूर्ण प्रबासी नेपालीहरुको तर्फबाट नेपाली जनप्रगतिशील मंच यूएई सबैलाई हार्दिक अनुरोध अपिल यसै प्रेस बिज्ञपती मार्फत गर्दछ बिज्ञप्तीमा भनिएको छ।
जेष्ठ ७ गते, २०६८ मा प्रकाशित
