पर्वत – पर्वतको ठुलीपोखरी गाविसमा शुक्रवार सांझ क्रिकेट बलले लागेर एक बालकको मृत्यु भएको छ । क्रिकेट खेल्ने क्रममा साथीले प्रहार गरेको बल छातिमा लाग्दा ठुलीपोखरी – २ का तेजप्रसाद सापकोटाका ८ वर्षीय छोरा पवन सापकोटाको मृत्यु भएको प्रहरीले जनाएको छ ।
त्रिभुवन प्राथमिक बिद्यालयको खेल मैदानमा क्रिकेट खेल्ने क्रममा छातिमा बलले लागेपछि उनको घटनास्थलमै मृत्यु भएको जिल्ला प्रहरी कार्यालय पर्वतका प्रहरी निरिक्षक विजयराज पण्डितले बताए । घट्ना बारे अनुसन्धान भईरहेको प्रहरीले जनाएको छ ।
भाद्र १७ गते, २०६८ मा प्रकाशित
