भाद्र २६ गते, २०६८ मा प्रकाशित
बागेश्वारी एकेडमीमा युकेजीमा अध्ययनरत बालक सुशान्तलाई अपहरण गर्ने नेपालगन्जकी पुनम सुनारलाई ५ महिना पछि पक्राउ गरेको जिल्ला प्रहरी कार्यालयका प्रहरी उपरीक्षक दिनेश अमात्यले बताए ।
अपहरण पछि फरार पुनमलाई आईतबार साँझ नेपालगन्जको सेतुबिक चोकबाट प्रहरीले पक्राउ गरेको हो । सुशान्तलाई पछिमेकी रामबरण गुप्ताको योजनामा, मोहम्मद हुसेन, बेतहनीका भगवानदिन बर्मा र नेपालगन्जकी पुनम सुनारले बैशाख महिनाको पहिलो साता अपहरण गरेका थिए ।
उनीहरुले बालकलाई अपहरण गरी भारत पुर्याएर ३० लाख रुपैया फिरौति नदिए मार्ने धम्की दिएका थिए । तत्कालीन प्रहरी नायव उपरीक्षक विनोद घिमिरेसहित तीन जनाको टोलीले नेपालगन्ज रुपइडिहा नाकावाट झण्डै ४० किलोमिटर दक्षिणस्थित भारतीय गाउँ ककरधरीबाट अपहरित बालकलाई ४ दिन पछि सकुसल उद्दार गरेको थियो ।
यस अघि प्रहरीले अपहरणमा संलग्न २२ बर्षीय रामबरण गुप्ता र मोहम्मद हुसेनलाई पक्राउ गरिसकेको छ । तर, बेतहनीका भगवानदिन बर्मा अझै फरार रहेको प्रहरीले जनाएको छ ।
अन्य समाचारहरु
