विवाहित युवतीको कोठामा युवा सुतेको अवस्थामा फेला पारेपछि ८० हजार जरिवाना

– प्रकाश अधिकारी

दैलेख – परस्त्री गमनको आरोपमा स्थानीय एक युवाले ८० हजार जरिवाना तिरेका छन् । एक साता अघि बेस्तडाका १८ वर्षीय दीपक शाहीले सोही ठाउँ निवासी विक थरकी परस्त्री गमनको आरोपमा सजायस्वरुप जरिवाना तिरेपछि हिरासत मुक्त भएका हुन् ।

विवाहित युवतीको कोठामा ती युवा सुतेको अवस्थामा फेला पारेपछि छिमेकीले प्रहरी चौकीमा खबर गरेका थिए । दुवै पक्षलाई मिलाउन नसकेपछि मंगलबार बेस्तडा प्रहरीले जिल्लामा ल्याएको थियो । जिल्ला प्रहरी कार्यालयमा दिपकले विहीबार साँझ ती युवतीलाई ८० हजार बुझाएका थिए भने श्रीमती स्वीकार नगर्ने शर्तमा उनका श्रीमान अमर विकले २० हजार रुपैंया तिरेका थिए ।

दुवैले आफूहरुको गल्ती नभएको प्रहरी र सञ्चारकर्मीसंग बताएका थिए ।