सम्झौता अनुसार तलब, सुविधा नपाएको विरोधमा मलेसियाको एक कम्पनीमा कार्यरत नेपालीलगायत करिब पाँच सय विदेशी कामदार आन्दोलित भएका छन् ।
टायर निर्माण सम्बन्धी इपो स्थित इभर थ्रो रबर प्रोडक्सन नामक सो कम्पनीले सम्झौता अनुसार तलब सुविधा नदिएको र विभिन्न बहानामा तलबबाटै पैसा कटौती गर्दै आएको भन्दै कामदारले कामै ठप्प पारेर विरोधमा उत्रिएका हुन् ।
आन्दोलित कामदारले सम्झौता पत्रमा उल्लेख भए अनुसार न्युनमत तलब ५ सय ४६ रिङ्गिट पनि नपाएको बताइएको छ ।
माघ २३ गते, २०६८ मा प्रकाशित
