काठमाडौं महाराजगंजमा रहेको पाकिस्तानी राजदुताबास परिसरमा निर्माणाधीन भवनमा आज चितुवा पसेपछि त्यसक्षेत्रमा लामो समय आतंक फैलियो ।
घरभित्र चितुवा छिरेको खबर पाएपछि नेपाल बन्दका समर्थकहरु चक्रपथ चोक छोडेर चितुवा हेर्न गएका थिए । त्यतिबेला चोकमा आन्दोलनकारीको संख्या शून्य थियो ।
घरधनी चन्द्र मोहन थापाका अनुसार, झण्डै ५ फिट लम्बाई साढे दुई फिट अग्लो चितुवा बिहान ६ बजे घरमा छिरेपछि स्थानीय वासिन्दा
ले प्रहरीलाई खबर गरेका थिए । घरभित्र थुनिएको चितुवाको उद्धार गर्न चिडियाघरबाट टोली आएको थियो । चितुवालाई बेहोस बनाउन दुईवटा सिरिन्ज चाहिएको थियो ।
चितुवालाई उद्धार गरी सदर चिडियाखाना जावलाखेल लगिएको छ ।
जेष्ठ ९ गते, २०६९ मा प्रकाशित
