यूएईको सारजाहमा एक नेपाली ४ दिन यता बेपत्ता

सम्युत्त अरब एमिरेट्स यूएईको सारजाहमा एक नेपाली विगत ४ दिन यता हराएका छन । मुडिकुवा १ पर्वत स्थाई घर भई सयुत्त अरब एमिरेट्स य्एईको सारजाह स्थित एभरेट्स मेटल इन्ड्रस्ट्रीमा कार्यरत प्रकाश गौडेल हराएका हुन । 

उनी गत ईदको अवसरमा परेको सार्वजनिक बिदाको दिन आफ्ना साथीभाईलाई ५ दश मिनेटमा आउछु भन्दै बिहान ११ बजे कोठा बाट निस्केको तर अहिले सम्म पनि सम्पर्क बिहिन भएको सहयोगी प्रकाश सापकोटा लाई उद्रित गर्दै त्यहा स्थित नेपाली समाज यूएईका अध्यक्ष कृष्ण ढकालले जानकारी दिएका छन । 

उनले प्रयोग गर्दै आएको त्यहास्थित डिउ कम्पनीको मोबाइल नम्बर अहिले बन्द छ । उनको अवस्था बारे बुझ्न नेपालीसमाज यूएईले आफ्ना सम्पूर्ण पदाधिकारीलाई पत्राचार गरी खटाएको छ भने स्थानिय प्रशासन लाई समेत खबर गरी सकेको छ । अहिले सम्म उनको अवस्था अज्ञात छ । यदी उनको अवस्था जान्ने वा बुझ्ने कोही गाउ ठाउँका कोही हुनुहुन्छ भने तस्विर हेरेर चिन्न र उनको खोजीकार्यमा सहयोग गर्न नेपाली समाज यूएईले अपिल समेत गरेको छ ।