भाद्र ३१ गते, २०६९ मा प्रकाशित
प्रमुख जिल्ला अधिकारी कवीन्द्र नेपालको अध्यक्षतामा बसेको बैठकले सवारीचालक र यातायात व्यवसायीलाई तालिम प्रदान गर्ने, सडकमा ट्राफिक चिह्न राख्ने, सवारीका छतमा हुने ओभरलोड हटाउने, सवारीसाधन अनुसारका सेवामात्र प्रदान गर्न लगाउने, सडकमा राखिने निर्माण सामग्री तत्काल हटाउने, सवारीसाधनको सिट क्षमताभन्दा बढी भएका यात्रु दुर्घटनामा परेमा त्यस्ता यात्रुको क्षतिपूर्ति उपलब्ध नगराउने, सडकलाई आँगनका रुपमा प्रयोग गर्नेलाई कारबाही गर्ने, सडकमा छोडिएका पशुपक्षी, चौपाया सवारीसाधनको ठक्करबाट मरेमा त्यसको क्षतिपूर्ति उपलब्ध नगराउने तथा जिल्लाभर दुर्घटना न्यूनीकरणका लागि सचेतना अभियान सञ्चालन गर्ने निर्णय गरेको छ।
बैठकले जिल्लाका प्रमुख सडक, बजार र धेरै सवारीसाधन चल्ने क्षेत्रमा सरोकारवालासहितको जनचेतनामूलक र्याली निकाल्नेसमेत निर्णय गरेको छ।
बैठकले जिल्लाको यातायात व्यवस्था सहज र प्रभावकारी बनाउन प्रमुख जिल्ला अधिकारीको अध्यक्षतामा जिल्लामा छुट्टै यातायात व्यवसायी, उद्योग वाणिज्य सङ्घ, सुरक्षा निकाय र पत्रकारसहितको यातायात व्यवस्थापन तथा अनुगमन समिति पनि गठन गरेको छ। -रासस
अन्य समाचारहरु
