जेष्ठ ३१ गते, २०७० मा प्रकाशित
उनीहरु दुवै २०६९ सालको एसएलसी परीक्षामा सहभागी थिए । उनीहरु दुवै फेल भएका विद्यार्थी हुन् । ईलाका प्रहरी कार्यालयका अनुसार उनीहरुले रामपुर, १ को परेवाघाटमा कालीगण्डकी नदीमा हाम फालेर आत्महत्या गर्ने प्रयास गरेका बेला ट्याक्टरमा गिटी लोड गर्ने मजदुरले बचाएका हुन् । ढुंगामा चढेर दुवैले हाम्फालेलगत्तै ट्याक्टर चालकले उनीहरुलाई देखेपछि उद्दार गरेका थिए ।
बेहोस भएका दुबै बिद्यार्थीको रामपुर अस्पतालमा प्राथमिक उपचार पछि रिभर भ्याली अस्पतालमा उपचार भइरहेको छ । दुबैको होस खुलेको र क्रमशः स्वास्थ्यमा सुधार आएको अस्पतालले जनाएको छ । नदीमा हाम फाले लगत्तै उनीहरुलाई उद्धार गरि अस्पताल पुर्याइएको थियो । विद्यालयका शिक्षक लेखनाथ मरासिनीका अनुसार संञ्चितालाई चार र बबितालाई पाँच विषय लागेको थियो । ट्याक्टर चालकले उद्धार गरेर मोटरसाइकलमा उपचारको लागि पठाएपनि उनी को थिए भन्ने पत्ता लाग्न नसकेको प्रहरीले जनाएको छ ।
अन्य समाचारहरु
