नवलपरासी । पुर्व पश्चिम राजमार्गअन्तर्गत नवलपरासीको अग्यौलीस्थित पत्थरखोलामा बस पल्टिँदा ३४ जना घाईते भएका छन् । घाईते मध्ये दुई जनाको अवस्थामा गम्भिर छ ।
भैरहवाबाट नारायणगढ तर्फ जादै गरेको बस तिब्र गतिका कारण विहान पत्थरखोलाको पुलबाट अनियन्त्रित भई खसेको हो ।
दुर्घटनामा घाईते भएका ३२ यात्रुको स्थानीय मध्यबिन्दू अस्पतालमा उपचार भइरहेको छ ।
गम्भीर घाईते भएका बसका चालक गुञ्जराज श्रेष्ठ र बसका यात्रु सोहि ठाउँका यमबहादुर खडकाको भरतपुर अस्पतालमा उपचार भईरहेको नवलपरासी प्रहरीले जनाएको छ ।
RSS
आषाढ़ २२ गते, २०७० मा प्रकाशित
