काठमाडौं । स्थानीय बजारमा पछिल्ला दिन ओरालो लाग्दै आएको सुनको भाउ बिहीबार भने उच्च दरले उकालो लाग्यो ।
अन्तर्राष्ट्रिय बजार पच्छ्याउँदै बुधबारको तुलनामा बिहीबार छापावाल सुनको भाउ तोलामा १ हजार ५ सय रुपैयाँले बढेर तोलाको ५५ हजार ८ सय कायम भएको नेपाल सुनचाँदी व्यवसायी महासंघले जनाएको हो ।
बुधबार तोलाको ५४ हजार ३ सय १ रुपैयाँमा कारोबार भएको थियो ।
त्यस्तै यस दिन चाँदीको भाउमा पनि बृद्धि आयो । बुधबारको तुलनामा बिहीबार चाँदी तोलामा ४० रुपैयाँले बढेर ९ सय ६० रुपैयाँमा कारोबार भएको छ ।
अन्तर्राष्ट्रिय बजारमा बिहीबार साँझसम्म सुन प्रति औंस १३ सय ७० डलरको हाराहारीमा कारोबार भएको थियो ।
RSS