बाबु रोका मगर
सिए सरोकारका दिल्ली ब्युरो प्रमुख समेत रहेका पत्रकार ऋषि राम अधिकारी एक पटक फेरी सम्मानीत भएका छन् । सिए नेपाल विधार्थी संघ भारतको दोस्रो अधिवेशनमा सिए सरोकार सम्बद्ध पत्रकारीतामा उत्कृष्ट पत्रकार स्वरुप सम्मान प्राप्त गरेका हुन । नेपाली राजनितिको प्रखर बक्ता नेपाली काँग्रेसका केन्द्रिय सदस्य माननीय सांसद गगन थापाको हातबाट सम्मान स्वरुप सिए नेविसंघले दिएको प्रमाण-पत्र हासिल गरेकाले थप हौसला पाएको जिकीर गर्दै उनले भने, हेर्नोस हामीलाई यसरी बेला बखत दिने गरेका सम्मान प्रमाण पत्रहरुले पत्रकारिता गर्न थप उर्जा मिल्ने नै गर्छ । नयाँ दिल्ली स्थित सिए नेविसंघले आयोजना गरेको भव्य कार्यक्रमका बीच उनलाई सम्मान गरिएको हो । विशेषगरी दिल्लीमा रही सिए अध्ययन गरिरहेका नेपाली सिए विद्यार्थीसंग सम्बन्धित समाचारहरु सम्प्रेषण गरेकोमा उनलाई भारतमा रही सिए अध्ययन गरिरहेका नेपाली सिए विद्यार्थीहरुको संगठन सिए नेपाल विद्यार्थी संघले सम्मान गरेको हो । यसरी पटक-पटक पाईरहने सम्मानबाट आफुलाई अझ जिम्मेवार बन्न प्रोत्शाहन मिलेको अधिकारी बताउँछन् । सिए सम्बन्धि साढ़े ३ बर्षे पत्रकारिताका क्रममा उनलाई प्रदान गरिएको यो दोस्रो सम्मान हो ।
प्रेम प्रसाद अधिकारी र बाल कुमारी अधिकारीका कान्छा सुपुत्र ऋषि राम अधिकारीले दिल्लीको लक्ष्मीनगरमा भएको कार्यक्रमको समाचार संकलन गरी पत्रकारिताको सुरुवात गरेका थिए । त्यसपछी निरन्तर रुपमा सिए सरोकार डट कम, सिए सरोकार टेलिभिजन कार्यक्रम र सिए सरोकार रेडियो कार्यक्रममा समेत उनी कार्यरत छन् । दुई दिदी र एक दाजुका कान्छा भाई अधिकारीले पत्रकारिताको लगभग साढ़े ३ बर्षे अनुभव बटुलीसकेका छन भने उनी नेपालको लोकप्रिय समाचार नेटवर्क सिए सरोकारका दिल्ली प्रतिनिधि हुन् । सिए फाइनलमा अध्ययन गरिरहेका ऋषि राम अधिकारी बहुप्रतिभाका धनी छन् । पत्रकारिता बाहेक उनी गायन क्षेत्रमा समेत आबद्ध छन् ।
अधिकारीलाई सम्मान गर्न पाउदा हामी एकदम खुशी छौ र यहाँका गतिबिधिलाई सिए सरोकार मार्फ़त सबै सिए विद्यार्थी र नेपाल सम्म यहाँ भैरहने कार्यक्रमहरुको समाचार निरन्तर रूपमा सम्प्रेषण गरेकोमा बधाई दिन चाहन्छौ, सिए नेविसंघ भारतका नवनिर्वाचित सभापति गिरु न्यौपानेले भने ।
उनको ‘सधै भरी’ सिर्शकको गीत बजारमा आइसकेको छ भने दिल्लीमा हुने विभिन्न सांस्कृतिक कार्यक्रममा उनले आफ्नो गीत प्रस्तुत गर्ने गरेका छन् ।
माघ २ गते, २०७२ मा प्रकाशित
