साउदीमा अलपत्र एक महिला चार बर्षपछी घर फर्किन

साउदी अरब, (अर्घाखाँचीडट्कम
) भारतको
कलकत्ता हुदै बिगत चारबर्ष अघि साउदी आएकि दाङ तुल्सिपुर नगरपालिका, ३ कि
हरिकला परियार हिजो नेपाल फर्कन सफल भएकि छन् । अपरान्ह ३:५५ बजे रियाद बिमान स्थल
हुदै एअर अरबियाबाट उनलाइ नेपाल फर्काइएको
नेपाली दुतावास रियादका का. बा. राजदूत आनन्द प्रसाद सर्माले जानकारी दिए।

एनआरएन साउदीका महासचिब तेज थापाले
दिएको जानकारी अनुसार  घरेलु महिला कामदारको रूपमा साउदी छिरेकी उनलाइ
रियादमा केहि महिना काम लगाइ पुर्वी प्रान्त स्थित कतिफ मालिकको बैनिको घरमा
स्थानान्तरण गरिएको थियो । त्यहाँ उनलाइ तलव सेवा सुबिधा दिनुको सट्टा राम्ररि खान
पनि नदि  उल्टै कुटपिट लगायतका घरेलु हिंसा बोहोर्न बाध्य
भएकी थिन ।

यातना सहन नसकि उनि ६ महिना अघि
साउदीको घरबाट भागेर आफन्तजनको रेखदेख र संरक्षणमा  पुगेकि थिइन । अबैध बनि नेपाल फर्किन पाउने वा
नपाउने अन्योल अवस्थामा रहेकी हरिकलालाइ नेपाली राजदूतावास रियादसग
परामर्स गरि गत ७ मे, २०१६ मा एनआरएनए साउदीको एक टोलीले कतिफ आफन्तको घरबाट
उध्दार गरि दूतावास रियादमा पुराएको थियो । यसरि अलपत्र अवस्थामा रहेकि हरिकला
परियारलाइ नेपाली दुतावास रियाद तथा एनआरएनए साउदीको संयुक्त पहलमा सकुसल नेपाल
फर्काउन संभव भएको हो ।

कुवेत लगायत तेस्रो मुलुक हुदै
अबैध घरेलु कामदारको रूपमा साउदी आइपुगेका महिलाहरूको उध्दार गर्न साउदीको कानुन
बमोजिम धेरै अप्ठ्याराहरू आइ पर्ने नेपाली राजदूतावास साउदी अरबका का. बा. राजदुत
आनन्द प्रसाद सर्माले बताए ।

उनले कुबेत हुदै साउदी छिरेका
नेपाली महिलाहरूलाइ तलव नदिने, घरेलु हिंसा गर्ने तथा कुनै कुनै महिलाहरूलाइ बिच बाटोमा मात्र नभएर दुतावासको कार्यालय अगाडी अलपत्र
अवस्था मै छोडि दिने समेतका घटनाहरू बेहोर्नु परेको र त्यस्ता महिलाहरू उध्दारको
सिलसिलामा अझै दुतावसको सेल्टरमा रहेको जानकारी जानकारी समेत दिए ।