भाद्र ११ गते, २०८१ मा प्रकाशित
-गोपाल प्रसाद भट्टराई ।
भाद्र–१०,अर्घाखाँची – श्री कृष्ण जन्माष्टिको अवसरमा अर्घाखाँचीको भूमे मन्दिरमा आयोजित खुल्ला तिज गित तथा नृत्य प्रतियोगितामा सिर्जनशिल कृषक समुह भूमिकास्थान–३, ठुलाखर्कको समुह प्रथम भएको छ । ९ वटा प्रतिष्प्रर्धी समुहलाई पछाडि पार्दै ठुलाखर्कले उपाधि चुमेको हो ।
भूमे भक्त युवा समाज भूमिकास्थान–२, को आयोजनामा सम्पन्न प्रतियोगितामा प्रगतिशिल महिला समुह भूमिकास्थान–२, भूमेकाथान द्धितीय भएको छ । त्यस्तै जनजागृत बुहारी समुह भूमिकास्थान–२, च्यानडाँडा तृतीय र जनजागृती स्वास्थ्य आमा समुह भूमिकास्थान–२, खाकवेशी चौथो भएका छन् ।
विजयी समुह र सहभागीहरुलाई नगद पुरस्कारले सम्मान गरिएको आयोजकले जनाएको छ । प्रतियोगितामा प्रथम हुनेले नगद रु. १२ हजार ७ सय ५० रुपैंया, द्धितिय
हुनेले नगद रु. ८ हजार, तृतिय हुनेले नगद रु. ५ हजार, चौथो हुनेले नगद रु. ३ हजार, सान्त्वना हुनेले नगद रु. २ हजार ५ सय र अन्य सहभागी सबै टिमले नगद रु. २ हजार पुरस्कार प्राप्त गरेको बताइएको छ । कार्यक्रमको उद्घाटन भूमिकास्थान–२, का वडाध्यक्ष बुद्धि बहादुर थापाले गर्नुभएको थियो ।
कार्यक्रममा भूमिकास्थान–१ का अध्यक्ष गोपाल प्रसाद खनाल, भूमिकास्थान–२ का अध्यक्ष बुद्धि बहादुर थापा, द्धितिय पुरस्कार सौजन्य कर्ता हरी प्रसाद भुसाल, तृतिय पुरस्कार सौजन्य कर्ता रामु के.सी. लगायतले सम्बोधन गर्नुभएको थियो ।
कार्यक्रममा बोल्दै उहाँहरुले नेपालको कला, गला, संस्कृति र भेषभुषालाई संरक्षण, संबद्र्धन र प्रचारमा सबैको हातेमालो हुनुपर्ने बताउनुभएको छ । लोकसंस्कृति संरक्षण गर्न सरकारले पनि आवश्यक बजेट विजियोजन गर्नुपर्नेमा उहाँहरुको जोड छ ।
कार्यक्रम आयोजक संस्थाका संयोजक बिरु भट्टराईको अध्यक्षता, कमल प्रसाद चुंदालीको स्वागत मन्तव्य र खिम बहादुर राउतको संचालनमा सम्पन्न भएको हो।
अन्य समाचारहरु
