जेष्ठ १२ गते, २०८२ मा प्रकाशित
मुम्बई, ११ जेठ । बलिउड स्टार रणवीर कपुर चाँडै सञ्जय लीला भन्सालीको आगामी फिल्म ‘लभ एन्ड वार’ मा देखिदैँ छन् ।
उनी आफ्नी पत्नी आलिया भट्ट र अभिनेता विक्की कौशलसँग स्क्रिन सेयर गर्नेवाला छन्। यो चलचित्रको सबैले आतुरताका साथ प्रतिक्षा गरिरहेका बेला अहिले छायांकन सुरु हुनुअघि नै दुबै कलाकारले आ–आफ्नो ‘क्यारेक्टर लुक्स’ का लागि ‘फिजिकल ट्रान्सफर्मेसन’मा ध्यान केन्द्रित गरिरहेको खबर बाहिर आएको छ ।
न्युज एटिन्नका का अनुसार रणबीर कपुर र विक्की कौशलले ‘लभ एन्ड वार’ मा आफ्नो क्यारेक्टरमा फिट हुन धेरै किलो तौल घटाएका छन् । स्रोतले भन्यो, ‘रणवीर कपूरले सञ्जय लीला भन्सालीको फिल्म लभ एन्ड वारका लागि १२ किलो तौल घटाएका छन भने विक्की कौशलले १५ केजी तौल घटाएका छन् । दुवै स्टारको यो जबरदस्त बडी ट्रान्सफर्मेसन दर्शकका लागि विशेष अनुभव हुने भएको छ।’
‘लभ एन्ड वार’ को छायांकन भने सुरु भइसकेको छैन । तर, रणवीर कपुरले यस वर्षको सुरुमा मुम्बईमा भएको भेट र अभिवादन कार्यक्रममा यस परियोजनाको बारेमा कुरा गरेका थिए। उनले भनेका थिए, ‘लभ एन्ड वार हरेक अभिनेताको सपना हो । आलिया र विक्कीसँग र मास्टर निर्देशक सञ्जय लीला भन्सालीको निर्देशनमा काम गर्न पाउनु सौभाग्यको कुरा हो।’
उनले अगाडी भने, ‘मैले १७ वर्षअघि उहाँसँग काम गरेको थिएँ । अब उहाँसँग फेरि काम गर्ने मौका पाएको छु । पात्र, भावना, संगीत, भारतीय संस्कृति र भारतीय मूल्य मान्यतालाई यत्तिको गहिरोसँग बुझेको उहाँजस्तो मेहनती व्यक्ति मैले कहिल्यै देखेको छैन भनी म पूर्ण विश्वासका साथ भन्न सक्छु । उहाँको सेटमा हुनु आफैमा एउटा नयाँ अनुभव हो । यो एक थकाउने, लामो प्रक्रिया हो, कहिले काँही डरलाग्दो पनि तर एक कलाकारको रूपमा यो अत्यन्त सन्तोषजनक छ। उनी कलालाई साँच्चै माया गर्छन्। एक अभिनेताको रूपमा अहिलेसम्मको अनुभव साँच्चै अद्भुत हुनेछ।’
विक्की कौशल पछिल्लो पटक सन् २०२५ को सबैभन्दा धेरै कमाउने फिल्म साबित भएको फिल्म ‘छावा’ मा देखिएका थिए भने अर्कोतर्फ आलिया भट्ट यतिबेला आफ्नो आगामी फिल्म ‘अल्फा’मा व्यस्त रहेकी छिन् । योसँगै रणवीर कपूरको ‘रामायण’मार्फत अर्को वर्ष दिपावलीको अवसरमा पर्दामा आउनेवाला छन् । यसलाई नितेश तिवारीले निर्देशन गरेका हुन ।
अन्य समाचारहरु
