आषाढ़ ७ गते, २०८२ मा प्रकाशित
काठमाडौँ । बलिउड सेलिब्रेटीहरूले आमिर खानको नयाँ फिल्म ‘सितारे जमीन पर’ लाई मन पराएका छन् । आमिर खान प्रोडक्सनले फिल्मको स्क्रिनिङसँग सम्बन्धित भिडियो सेयर गरेको छ ।
फिल्म ‘सितारे जमीन पर’ को स्क्रिनिङमा जावेद अख्तर, जुही चावला, हिमेश रेशमिया, मोना सिंह, आशुतोष राणा, आशुतोष गोवारिकर, ज्याकी श्राफ र वरुण ग्रोवर जस्ता धेरै प्रसिद्ध सेलिब्रेटीहरू उपस्थित थिए । जावेद अख्तरले भने, ‘यो एउटा अद्भुत फिल्म हो, मेरो आँखामा अझै पनि आँसु छ।’ जुहीले भनिन्, ‘आमिरले धेरै राम्रो फिल्म बनाएका छन्।’
आशुतोष राणा पनि फिल्मको प्रशंसा गर्दै देखिए । निर्माता गुनीत मोंगाले भने, ‘यस फिल्मलाई त्यति नै माया दिनुहोस् जति तपाईंको मनमा छ।’ आमिरको फिल्म ‘तारे जमीन पर’ मा बाल कलाकार रहेका दर्शिल सफारी पनि स्क्रिनिङमा आएका थिए, उनले भने, ‘फिल्म हेरेपछि मेरो गाला दुखिरहेको छ।’
सलमान खान र शाहरुख खान पनि आमिर खानको फिल्मको स्क्रिनिङमा पुगेका थिए । ‘सीतारे जमीन पर’ का विशेष बालबालिका र कलाकारहरू यी दुई सुपरस्टारहरूलाई देखेर धेरै खुसी देखिन्थे । बच्चाहरूले शाहरुख र सलमान खानसँग धेरै तस्बिर खिचे । आमिर खान पनि यो सबै देखेर धेरै खुसी थिए ।
‘सीतारे जमीन पर’ फिल्ममा आमिर खान एक प्रशिक्षकको भूमिकामा देखिएका छन्, जसले विशेष बालबालिकाहरूको बास्केटबल टोलीलाई तालिम दिन्छन् । यो फिल्मलाई आरएस प्रसन्नाले निर्देशन गरेका छन् । आमिरको यो फिल्म स्पेनी फिल्म ‘च्याम्पियन (२०१८)’ को रिमेक हो ।
यस फिल्मले आफुलाई विश्वास गरेमा सफल हुनसकिन्छ भन्ने सन्देश दिन्छ । फिल्ममा केहि कुरा धेरै हदसम्म ‘तारे जमीन पर’ जस्तै देखिन्छ, तर त्यहाँ शिक्षकले बच्चालाई मद्दत गरिरहेको देखिन्छ, यहाँ नौ जना केटा र एक केटी मिलेर आफ्नो शिक्षकलाई नयाँ ज्ञान दिन्छन् । ज्ञानको गंगा सधैं गंगोत्रीबाट गंगासागरमा बग्दैन । त्यसैले भनिन्छ कि जहाँबाट पाउन सकिन्छ त्यहाँबाट ज्ञान लिनुपर्छ ।
फिल्ममा आमिर खान, जेनेलिया देशमुख, डली अहलुवालिया, सिमरन मंगेशकर, आयुष भन्साली, आशिष पेन्डसे, गोपी कृष्णन वर्मा, वेदान्त शर्मा, ऋषभ जैन, आरुष दत्त, ऋषि साहनी, नमन मिश्रा, बृजेन्द्र काला र निखत खानलगायतका कलाकारको अभिनय रहेको छ ।
अन्य समाचारहरु
