भाद्र १४ गते, २०८२ मा प्रकाशित
नरसिंहा अबतार बन्यो सबैभन्दा बढी कमाउने एनिमिटेड फिल्म, पुष्पाकाे रेकर्ड ताेडन सक्ने
हैदाराबाद, १४ भदौं । अहिले साउथको एनिमेटेड फिल्म महावतार नरसिंहा रिलिज भएको १ महिना बितिसकेको छ तर पनि बक्स अफिसमा उसले चमात्कार गर्न भने अझै छाडेको छैन । यो आफैमा फिल्मको लागि ठूलो सफलता हो। फिल्मको कमाईको पछिल्लो तथ्यांक आएको छ ।
सुरूवाती चरण भन्दा अहिले यसको बक्स अफिस कलेक्शनमा कमी आएको भए पनि यो ३५ दिनमा फिल्मको लागि सबैभन्दा सकारात्मक कुरा यो हो कि यो फिल्मले कुनै पनि दिन १ करोड भन्दा कम कलेक्सनमा झर्नु परेको छैन । खासमा अहिले पनि यो फिल्मले दैनिक १ करोडभन्दा बढी कमाइ गरि नै रहेको छ । आउनुहोस्, फिल्मले ३५ दिनमा कति कमाइ गर्यो र आगामी दिनमा पनि यस्तै रह्यो भने यो चलचित्रले अरु कुन फिल्मको रेकर्ड तोड्न सक्छ ।
महावतार नरसिम्हाको भारतीय बक्स अफिस कलेक्शनलाई हेर्ने हो भने फिल्मले ३५ दिनमा भारतमा २३८.२५ करोड कमाएको छ । ३५ औँ दिनमा फिल्मले १.१५ करोड कमाएको छ, जुन अहिलेसम्मकै सबैभन्दा कम कलेक्शन हो । फिल्मको कुल कलेक्सन २८२.१५ करोड भारु भएको छ । यो फिल्म भारतको बक्स अफिसमा अझै कति दिन चल्छ त्यो भने हेर्न बाँकी छ ।
महावतार नरसिंहाको विश्वव्यापी कलेक्शनको कुरा गर्दा फिल्मले ३४ दिनमा कुल ३०८.२५ करोड कलेक्सन गरेको छ । फिल्मको ओभरसिज कलेक्सन २६.१० करोड रहेको छ । भारतको ३५ औं दिनको कलेक्सनलाई समावेश गर्ने हो भने फिल्मले अहिलेसम्म ३०९.४० करोड कमाइसकेको छ ।
फिल्मको कलेक्सन केही समयमै ३०० करोड नाघेको मात्र होइन, अब पुष्पा पार्टः १ र तानाजीको कलेक्शनलाई चुनौती दिन तयार देखिन्छ । यदि फिल्मले आगामी दुई साताको अन्त्यमा चमत्कार गर्छ र साताको दिनमा पनि यही आफ्नो प्रवाह कायम राख्छ भने यो फिल्मसँग अल्लु अर्जुनको पुष्पाः १ र अजय देवगनको तानाजीको रेकर्ड तोड्ने सुनौलो अवसर छ। र, याे सबैभन्दा बढी कमाउने भारतीय एनिमेटेड फिल्मकाे रेकर्ड बनाउन सफल भइसकेकाे छ ।
रिपोर्टमा विश्वास गर्ने हो भने सन् २०२१ मा रिलिज भएको पुष्पाको विश्वव्यापी कलेक्सन ३६० करोड रहेको छ भने तानाजीको कलेक्सन ३५८ करोड रुपैयाँ रहेको छ । महावतार नरसिम्हाले विदेशी कमाईसहित आगामी समयमा ५५ करोड रुपैयाँसम्म कमाउने हो भने यो फिल्मले अल्लु अर्जुनको पुष्पा र अजयको सबैभन्दा ठूलो फिल्म तानाजीलाई पछाडि छोड्न सक्छ ।
अन्य समाचारहरु
