बैशाख २१ गते, २०८१ मा प्रकाशित
-गोपाल प्रसाद भट्टराई,अर्घाखाँची।
भूमिकास्थान – अर्घाखाँचीको भूमिकास्थान नगरपालिकाले असुरकोट र धारापानीमा संचालित विभिन्न पसलहरुको अनुगमन गरेको छ ।
वडा नम्बर ४ धारापानीको धाराबजार रवडा नम्बर ५ को बुधुनमारा, पौवा, आरनटोल र चौतारका किराना पसल, एग्रोभेट, होटल, डेरी पसल सहित सबैखाले व्यापारिक पसलहरुमा अनुगमन भएको हो ।
दुई वटा वडामा करिब ५० वटा पसल अनुगमनको क्रममा भेटिएका म्याद नाघेका र लेभलिङ्ग नभएका सामान जफत गरी प्रहरी, पत्रकार र सरोकारवालाको रोहबरमा
नष्ट गरिएको नगरपालिकाले जनाएको छ ।
किराना पसलमा खाद्य र अखाद्य वस्तु एकै ठाउँमा राखिएको, मुल्य सुची नटाँसीएको पाइएको छ । यस्तै होटलहरुमा खानेकुरा नछोपिकन खुल्ला ठाउँमा राखिएको, सरसफाईमा ध्यान नदिइएको भेटिएपछि अनुगमन टोलीले सुझाव सहित प्रक्रिया पु¥याएर व्यवसाय संचालन गर्न ३५ दिनको समय तोकेको छ ।
असुरकोटमा संचालित वेकरी उद्योग अव्यवस्थित रहेको, लेभलिङ्ग गर्दा त्रुटि भएको, प्रयाप्त सरसफाई नभएको भेटिएको भूमिकास्थान नगरपालिकाको बजार अनुगमन निरिक्षण अधिकृत शंकर अधिकारीले जानकारी दिनुभएको छ ।
“उपभोक्ताले पनि सामान खरीद गर्दा सामान गुणस्तरको छ÷छैन ? लेभलिङ्ग गरिएको छ÷छैन ? म्याद गुज्रिएको हो÷होइन ? यस बारेमा खासै ध्यान दिएको पाइदैन । नगरप्रमख झविलाल थापाले भन्नुभयो यसमा सबै सचेत हुन जरुरी छ ।”
गुणस्तरहिन अखाद्य पदार्थको उपभोगले नागरिकहरु विभिन्न रोगको सिकार बनिरहेको भन्दै नगरउप–प्रमुख बालकृष्ण बन्जाडेले मापदण्ड अनुसार प्रयोग योग्य सामान विक्रि बितरणमा ध्यान दिन आग्रह गर्नुभएको छ ।
ग्रामिण क्षेत्रमा अझैपनि लेभलिङ्ग हेरेर सामान किनबेच गर्ने बानीको पूर्ण विकास नभएकोले निरन्तर अनुगमन भएपनि मापदण्ड अनुसार पसल संचालन हुन नसकेको भूमिकास्थानका प्रमुख प्रशासकिय अधिकृत खिमानन्द आचार्यको भनाई छ । पहिलो पटक सम्झाई बुझाई गरेपनि पटक–पटक गल्ती नसुधार्ने ब्यापारीहरुलाई कार्बाही र जरिवाना तिराउने अभ्यास समेत अगाडि बढाइएको प्रशासकिय अधिकृत आचार्यले बताउनुभएको छ ।
अनुगमन टोलीमा भूमिकास्थान नगरपालिकाको सहकारी तथा उद्योग शाखा प्रमुख तथा बजार अनुगमन निरिक्षण अधिकृत शंकर अधिकारी, प्रशासन शाखा प्रमुख
तुल्सीप्रकाश गिरी, कृषिशाखाका कृषि प्राविधिक सहायक युवराज आचार्य, राजश्व शाखा प्रमुख जगत भुसाल, वडा सचिव निलम शाही, धारापानी स्वास्थ्यचौकी इन्चार्ज राम बहादुर के.सी., पत्रकार र प्रहरी लगायतको सहभागिता रहेको थियो ।
थप तस्बिर:
अन्य समाचारहरु
