फाल्गुन ११ गते, २०६७ मा प्रकाशित
छिमेकी ट्युनिसिया र इजिप्टमा सरकारविरोधी प्रदर्शन सफल भएपछि लिबियाली प्रदर्शन झन् चर्केको छ। राजधानी त्रिपोली सरकार नियन्त्रणमा रहे पनि लिबियाका पूर्वी क्षेत्रका अधिकांश सहर प्रदर्शनकारीको नियन्त्रणमा रहेको अन्तर्राष्ट्रिय सञ्चारमाध्यमले जनाएका छन्। अहिलेसम्म करिब ३ सय प्रदर्शनकारी मारिएको अन्तर्राष्ट्रिय सञ्चारमाध्यमले जनाएका छन्।
दक्षिण कोरियाको विदेश मन्त्रालयले दर्ना घटनाप्रति चासो व्यक्त गरेको छ। गद्दाफी शासनबाट असन्तुष्ट समूहले कोरियाली निर्माण कम्पनीमा आगजनी गरेको मन्त्रालयले जनाएको छ। घरबारविहीनका लागि घर बनाउने लिबियाली सरकारको निर्माण परियोजनामा दक्षिण कोरियाली ठेकेदारमार्फत नेपालीहरू काम गर्दै आएका थिए।
अर्यालले नेपाली कामदार उद्धारबारे कोरियाली कम्पनीसँग कुराकानी भएको जानकारी दिएका छन्। राईले खानाको समस्या नभए पनि भुईंमै सुत्नुपर्दा चिसोले धेरैजसो बिरामी परेको बताए।
अर्यालका अनुसार नेपालीलाई इजिप्ट ल्याउनका लागि त्यहाँको सरकारसँग अनुमति लिने प्रयास भइरहेको छ। उनका अनुसार दूतावासले नेपालीलाई सडक बाटो भएर कायरो ल्याउने योजना बनाएको छ।
लिबियामा २ हजार नेपाली कामदार रहेका मध्ये प्राय राजधानी त्रिपोलीमा छन्। पेट्रोलियम पदार्थ उत्पादनमा धनी लिबियामा निर्माणसम्बन्धी काममा भने प्राय दक्षिण एसियाली मजदुर छन्।
यसैबीच, लिबियाली शासक गद्दाफीले मंगलबार टेलिभिजन सम्बोधनमा ‘संघर्ष जारी राख्ने, सहिद हुनुपरे पनि नछाड्ने’ जनाएका छन्। ‘लड्दालड्दै मर्छु तर सत्ता छाड्दिनँ,’ उनले भनेका छन्। गद्दाफीले आफ्ना समर्थकलाई प्रतिरोधी प्रदर्शन गर्न आह्वानसमेत गरेका छन्। यसले लिबियामा थप हिंसा चर्कने आँकलन गरिएको छ।
अन्य समाचारहरु
