श्रावण १२ गते, २०८३ मा प्रकाशित
इस्लामबाद, १२ साउन । पाकिस्तान अधिकृत कश्मीरमा जारी विद्रोहको ४८औँ दिन—पाकिस्तानी सरकारसँगको वार्ता असफल भए पछि र आफ्ना मागहरू पूरा नभए पछि दिउँसो ४ बजे २ लाख मानिसहरूको भीडले राजधानी मुजफ्फराबादतर्फ मार्च गरेको छ ।
यस समूहमा ९ जुन २०२६ देखि रावालाकोटको ईदगाह मैदानमा धर्ना दिइरहेका प्रदर्शनकारीहरूका साथै विभिन्न क्षेत्रबाट त्यहाँ भेला भएका अन्य मानिसहरू पनि समावेश थिए। ठीक त्यही बेला, अन्य सहरहरूबाट रावालाकोटतर्फ अघि बढिरहेको जुलुस इदगाह मैदानभन्दा डेढ किलोमिटर अघि रहेको चिनार चोकमा पुग्दा पाकिस्तानी रेन्जर्स र एफसीका जवानहरूले प्रदर्शनकारीहरू माथि गोली चलाए।
यसैबीच, जब पाकिस्तानी रेन्जर्स र एफसीका जवानहरू पीओकेमा निहत्था प्रदर्शनकारीहरू माथि गोली चलाइरहेका थिए, त्यही समयमा पञ्जाब प्रहरी र पीओके प्रहरीका जवानहरूले अश्रुग्यास प्रहार गरिरहेका थिए। त्यसैगरी, ईदगाह मैदानबाट निस्किएको दुई लाख मानिसहरूको जुलुस केही मिटर मात्र अघि बढेको थियो कि उनीहरूमाथि पनि अन्धाधुन्ध गोली चलाउन थालियो।
करिब डेढ घण्टासम्म पाकिस्तानी रेन्जर्स र एफसीले प्रदर्शनकारीहरू माथि बेला बेलामा एके–४७बाट भारी गोलीबारी र अश्रुग्यासका सेलहरू प्रहार गरे ।
बेलुका साढे ८ बजेसम्म ११ जनाको मृत्यु पुष्टि भइसकेको थियो र मृतकको संख्या अझै बढ्ने अनुमान गरिएको छ।
गोलीबारीको आवाज बीच पीओकेका प्रदर्शनकारी मोहम्मद अकिलले पाकिस्तानी रेन्जर्सको बर्बरताको बयान आँसु झार्दै दिएका छन । र, अन्तर्राष्ट्रिय सञ्चारमाध्यम तथा मानव अधिकार संस्थाहरूलाई सहयोगका लागि अपिल गरेका छन् । प्रदर्शनकारीहरू गोलीबारीको चपेटामा रहेकै अवस्थामा आसिम मुनिर र उनको सेनाको बर्बरताको साक्षी बनिरहेको आरोप लागेको छ ।
रावालाकोटबाट सार्वजनिक भएका तस्बिरहरूले पाकिस्तानी रेन्जर्सको बर्बरताको प्रमाण दिन्छन् । यी तस्बिरहरूमा घाइतेहरूलाई एम्बुलेन्समा लगिँदै गरेको र मृतकहरूको शवलाई अन्त्येष्टि प्रार्थनाका लागि खाटहरू माथि एकै ठाउँमा राखिएको देख्न सकिन्छ।
यसैबीच, घाइतेहरूलाई इदगाह मैदानमा राखिएको छ किनभने प्रदर्शनकारीहरूको आरोप छ कि रेन्जर्स र एफसीले रावालाकोटस्थित कम्बाइन्ड मिलिटरी हस्पिटल कब्जा गरेका छन् र घाइते प्रदर्शनकारीहरूलाई त्यहाँ भर्ना हुनबाट रोकिरहेका छन्।
गोलीकाण्ड पछि हाल सबै प्रदर्शनकारीहरू रावालाकोटको ईदगाह मैदानमा पुनः भेला भएका छन्। जुन ५ देखि पिओके भरि इन्टरनेट सेवा बन्द गरिएको छ भने जुन महिनादेखि जारी गोलीबारीमा परी ८५ जनाभन्दा बढीले ज्यान गुमाइसकेका छन्।
यसैबीच, सोमबार भएको गोलीकाण्डमा ३८ जनाभन्दा बढी गम्भीर घाइते भएको पुष्टि भएको छ।
अन्य समाचारहरु
