श्रावण १६ गते, २०८३ मा प्रकाशित
अर्घाखाँची । अर्घाखाँचीको असुरकोट निवासी समाजसेवी सकुन्तला राना क्यान्सर रोगबाट पीडित भई उपचाररत रहनुभएको छ। आर्थिक अवस्था अत्यन्त कमजोर भएका कारण उपचार खर्च जुटाउन कठिनाइ भएपछि उहाँको जीवनरक्षाका लागि देश तथा विदेशमा रहेका शुभेच्छुकहरूको सहभागितामा “सकुन्तला बचाऔँ अभियान” सञ्चालन गरिएको छ।
अभियानअन्तर्गत हालसम्म विभिन्न व्यक्तिहरूबाट रु. ७३ हजार ३०० आर्थिक सहयोग संकलन भएको अभियानका प्रतिनिधिहरूले जानकारी दिएका छन्।
सबैभन्दा बढी सहयोग विकास कुमार भट्टराई तथा निर्मला भट्टराई (हाल अष्ट्रिया, भियना ) बाट रु. २० हजार प्राप्त भएको छ। त्यसैगरी भोजराज खत्री तथा ईश्वरा भट्टराई (हाल अस्ट्रेलिया) ले रु. १५ हजार सहयोग गर्नुभएको छ। अन्य सहयोगीहरूले पनि आफ्नो सामर्थ्यअनुसार आर्थिक सहयोग प्रदान गरी मानवीय अभियानमा ऐक्यबद्धता जनाएका छन्।
अभियानमा हालसम्म प्राप्त सहयोग रकम यसप्रकार रहेको छः
अभियान समितिले सकुन्तला रानाको उपचारका लागि अझै ठूलो आर्थिक सहयोग आवश्यक रहेको जनाएको छ। सहयोग गर्न इच्छुक महानुभावहरूले अभियानका प्रतिनिधिहरूसँग सम्पर्क गरी सहयोग गर्न सक्नेछन्। सहयोग गर्ने प्रत्येक व्यक्तिलाई आधिकारिक रसिद उपलब्ध गराइने पनि जनाइएको छ।
सम्पर्क व्यक्तिहरू:
अभियान समितिले “सानो–सानो सहयोगले पनि एउटा अमूल्य जीवन बचाउन सकिन्छ” भन्दै सबैलाई सहयोग तथा अभियानलाई बढीभन्दा बढी साझा (Share) गरी साथ दिन आग्रह गरेको छ।
नोट: अभियानमा सहयोग आउने क्रम निरन्तर जारी रहेकाले माथि उल्लेखित कुल संकलित रकम समय–समयमा अद्यावधिक हुँदै जानेछ।
अन्य समाचारहरु
